યુક્રેન યુદ્ધમાં રશિયાની પડેખે રહેલા ચીનને અમેરિકાએ મોટી ધમકી આપી છે.
અમેરિકાની ચીનને મોટી ધમકી
રશિયા અંગે કંઈ પણ નિર્ણય કર્યો તો ગંભીર પરિણામ ભોગવવું પડશે
યુ્ક્રેન યુદ્ધમાં રશિયાને મોટો ટેકો છે ચીનનો
યુક્રેન સામે યુદ્ધ કરી રહેલા રશિયાની પડખે ચીન ઊભું છે. ચીનનું આ કામ અમેરિકાને જરા પણ પસંદ નથી. એટલે હવે અમેરિકાએ ચીનને જાહેરમાં ધમકી આપીને રશિયાથી દૂર રહેવાની વાત કરી છે. અમેરિકાએ ચીનને મોટી ધમકી આપી છે. અમેરિકી રાષ્ટ્રપતિ ભવન કાર્યાલય વ્હાઈટ હાઉસે કહ્યું કે રશિયાના સંબંધમાં ચીન જે પણ નિર્ણય લેશે તેની પર દુનિયાની નજર હશે. વ્હાઈટ હાઉસના પ્રેસ સચિવ જેન સાકીએ કહ્યું કે અમારી આ ઘટનાક્રમ પર નજર છે. અમારા રાષ્ટ્રીય સુરક્ષા સલાહકાર આ અંગે સ્પસ્ટ છે. તેમણે કહ્યું કે જો ચીન અમારા પ્રતિબંધોનું ઉલ્લંઘન કરશે તો તેને ગંભીર પરિણામ ભોગવવું પડશે.
રશિયા અંગે ચીન જે નિર્ણય લેશે તેની પર દુનિયાની નજર
પોતાની દૈનિક પત્રકાર પરિષદમાં બોલતા સાકીએ કહ્યું હતું કે, "ચીન જે નિર્ણય લેશે તેના પર વિશ્વની નજર રહેશે, પરંતુ કોઈપણ સંભવિત અસર અથવા પરિણામના સંદર્ભમાં, અમે તેને વ્યક્તિગત રાજદ્વારી ચેનલો પર છોડીશું.તેમણે જણાવ્યું હતું કે, "અમારા રાષ્ટ્રીય સુરક્ષા સલાહકારે તેમના ચીની સમકક્ષ સાથે લાંબી વાતચીત દરમિયાન અમારી 'વન-ચાઇના નીતિ'ને પુનરાવર્તિત કરી હતી, તેમજ તાઇવાન સામુદ્રધુનીમાં ચીનની બળજબરીપૂર્વકની અને ઉશ્કેરણીજનક કાર્યવાહી અંગે અમારી ચિંતાઓને રેખાંકિત કરી હતી.
પ્રતિબંધોનું ઉલ્લંઘન થશે તો મોટી કાર્યવાહી
એક સવાલના જવાબમાં પ્રેસ સચિવે કહ્યું કે, "અમે પહેલાથી જ ઘણા પ્રતિબંધો લગાવી દીધા છે અને અલબત્ત અમે જોઈશું કે પ્રતિબંધોનું ઉલ્લંઘન થઈ રહ્યું છે કે નહીં. આપણે એ પણ જોઈએ છીએ કે અન્ય કોઈ દેશે લશ્કરી આક્રમણ માટે ટેકો પૂરો પાડ્યો છે કે કેમ. આજે મારે તમારી સમક્ષ આવી કોઈ આકારણી રજૂ કરવાની નથી."
ચીનની સામે શું કાર્યવાહી કરશે અમેરિકા
ચીન રશિયાને યુદ્ધમાં સૈન્ય કે આર્થિક સહાય આપતું હોવાનું જણાશે તો તેના જવાબમાં શું કાર્યવાહી કરવામાં આવશે તેમ પૂછવામાં આવ્યું હતું. આના પર સાકીએ કહ્યું કે અમેરિકા આ સંબંધમાં ચીન અને ચીની નેતૃત્વ સાથે સીધો સંવાદ કરશે, મીડિયા દ્વારા નહીં.હું એ નિર્દેશ કરવા માંગુ છું કે અમારા રાષ્ટ્રીય સુરક્ષા સલાહકાર ગઈકાલે તેમની બેઠકમાં પરિણામો વિશે ખૂબ જ સ્પષ્ટ હતા. તેમણે સ્પષ્ટ કર્યું કે યુ.એસ.એ નજીકની નજર રાખી છે અને ઉમેર્યું હતું કે તે એકમાત્ર યુ.એસ. નથી જે આમ કરી રહ્યું છે. ચીન જે પણ નિર્ણય લે છે, દુનિયાની નજર તેના પર છે.