આદેશ / જમ્મૂ-કાશ્મીર હાઇકોર્ટ પેલેટ ગન પર છ અઠવાડિયામાં નિર્ણય લેઃ સુપ્રીમ કોર્ટ

આ મુદ્દે જમ્મૂ-કાશ્મીર હાઇકોર્ટ બાર એસોસિયેશનને 2016માં હાઇકોર્ટમાં એક અરજી (PIL) દાખલ કરી હતી અને પ્રદર્શનકારીઓની ભીડ પર પેલેટ ગનના ઉપયોગ પર રોક લગાવવા અપીલ કરી હતી. 

હાઇકોર્ટ બાર એસોસિયેશને પોતાની અરજીમાં જણાવ્યું હતું કે પેલેટ ગનના પ્રયોગથી લોકોને ઇજા પહોંચી રહી છે તેમજ તેઓનું મૃત્યું પણ થઇ રહ્યું છે. ચીફ જસ્ટિસ ગોગોઇની અધ્યક્ષતાવાળી ખંડપીઠે હાઇકોર્ટના રજિસ્ટ્રારનો પત્ર રેકોર્ડમાં લેતા જણાવ્યું કે, અમે હાઇકોર્ટની ખંડપીઠને આ મામલે ઝડપી નિર્ણય લેવા અને છ અઠવાડિયાની અંદર ચુકાદો આપવા આદેશ કરીએ છીએ.

ઇકોર્ટે પોતાના વચગાળાના હુકમમાં પેલેટ ગનના ઉપયોગ પર પ્રતિબંધ મુકવાનો ઇનકાર કરતા જણાવ્યું હતું કે કેન્દ્ર સરકાર પેલેટ ગનનો વિકલ્પ શોધવા માટે વિશેષજ્ઞોની એક સમિતિનું ગઠન કરી ચૂકી છે.