નામ પાછળ 'સિંહ' લગાડનાર યુવકને ઢોર માર મારી VIDEO કર્યો વાયરલ

બનાસકાંઠા: 21મી સદીમાં પણ લોકોની માનસીકતા જાણે કઈ દિશામાં જઈ રહી છે તે સમજાતુ નથી. સમાજ-સમાજ વચ્ચેની વૈમનસ્યની ઘટનાઓમાં જે રીતે ઉત્તરોતર વધારો થઈ રહ્યો છે તે સભ્યસમાજ માટે પણ શર્મસાર ઉભી કરતી ઘટનાઓ સમાન છે.

વાત બનાસકાંઠા જિલ્લાના પાલનપુર તાલુકાના માણકા ગામની છે. અહીં ઠાકોર સમાજનો એક યુવક આમંત્રણ પત્રિકા આપવા જઈ રહ્યો હતો. ત્યારે પહેલેથી જ ખાર રાખીને બેઠેલા કેટલાક લોકોએ  આમંત્રણ પત્રિકામાં માત્ર 'સિંહ' શબ્દનો ઉલ્લેખ કરતા યુવકની 'મુંછ' કઢાવી નાંખી યુવકને ઢોર માર મારતો વીડિયો સોશિયલ મીડિયા પર વાયરલ પણ કર્યો હતો. 



ઉલ્લેખનીય છે કે હજૂ તો બે દિવસ અગાઉ દાંતીવાડા ખાતે 'રોયલ બાપુ' જેવા શબ્દોનો ઉલ્લેખ કરાતા વિવાદ ગરમાયો હતો. તેવામાં મુછો કઢાવી નાંખવા મામલે ફરી એક વખત વિવાદનો મધપુડો બનાસકાંઠામાં છંછેડાયો છે. હાલ જિલ્લા પોલીસ વડાએ સમગ્ર ઘટનાની ગંભીરતાને ધ્યાનમાં રાખી માત્ર 24 કલાકની અંદર 4 આરોપીઓની ધરપકડ કરી લીધી છે.

આ સાથે અન્ય સમાજને પણ જરૂરી આદેશો આપતા જણાવ્યું છે કે આવી કોઈ ઘટના ભવિષ્યમાં સામે આવશે તો જૂદી-જૂદી કલમો અનુસાર આ દિશામાં 100 ટકા કાર્યવાહી કરવામાં આવશે.