અમેરિકામાં 'આગ હી આગ' 78 000 લોકોને સુરક્ષિત સ્થળે ખસેડાયા

અમેરિકાના કેલિફોર્નિયામાં લાગેલી ભયંકર આગ પર કાબૂ મેળવવા પ્રયાસ હાથ ધરાયા છે. ભારે જહેમત બાદ 25 ટકા આગ પર કાબૂ મેળવાયો છે. 

આગ એટલી વિકરાળ છે કે તેના પર કાબૂ કઈ રીતે મેળવવો તે પણ એક સવાલ છે. આગ પર કાબૂ મેળવવા માટે બે હજાર 200 કર્મીઓ ખડેપગે છે. પણ ગમગીન વાત એ છે કે આ આગમાં 23 લોકોએ પોતાનો જીવ ગુમાવ્યો છે. તો આગના પગલે 78 હજાર લોકોને સુરક્ષિત સ્થળે ખસેડવામાં આવ્યા છે. 

સાથો સાથ ભારે પવન ફૂંકાઈ રહ્યો હોવાથી આગ વધુને વધુ ફેલાઈ રહી છે. આ વિકરાળ આગ 70 હજાર એકરમાં ફેલાઈ છે. 

ગત ગુરુવારે આ આગ લાગી હતી અને હાલ વિકરાળ કરૂપ લીધુ છે. અનેક સેલિબ્રિટીઝના મકાનો પણ આગની લપેટમાં આવ્યા છે. બીજી તરફ કેલિફોર્નિયામાં કટોકટી પણ જાહેર કરવામાં આવી છે. 

આગ પર કાબૂ મેળવવા માટે હેલિકોપ્ટરની પણ મદદ લેવાઈ છે. આગ જોઈને એવું લાગી રહ્યું છે કે તેની લપેટમાંથી એક પણ ઘર નહીં બચે. પણ હાલ તો તમામ લોકો આગ સામે લાચાર બન્યા છે અને જેમ બને તેમ ઝડપથી આગ પર કાબૂ મેળવવાના પ્રયાસ હાથ ધરાયા છે.