કોરોના વાયરસનાં કારણે વિશ્વભરમાં કોહરામ મચી ગયો છે. કોરોના વાયરસનાં કારણે ઈટાલી બાદ અમેરિકામાં સૌથી વધુ નુકસાન થઇ રહ્યું છે. અમેરિકામાં હજારો લોકો કોરોના વાયરસની ઝપેટમાં આવી ગયા છે તથા સૌથી ભયંકર હાલત ન્યૂયોર્ક શહેરની છે. WHOએ પણ પહેલાં જ આશંકા વ્યક્ત કરી હતી કે ઈટાલી બાદ અમેરિકામાં કોરોના વાયરસથી મોટું નુકસાન થઇ શકે છે.
અમેરિકામાં 68 હજાર જેટલા લોકો કોરોનાથી પીડિત
કોરોનાએ અમેરિકામાં એક હજારથી વધુ લોકોનો ભોગ લીધો
અમેરિકાની 10 કરોડ જનતા લોકડાઉનમાં કેદ
કોરોના વાયરસનાં કારણે જગત જમાદાર અમેરિકાની હાલત ખૂબ ખરાબ છે. અમેરિકાનાં કોરોના વાયરસનાં આંકડાં ખૂબ ભયજનક છે. અમેરિકામાં કોરોના વાયરસ પોઝિટિવ દર્દીઓની સંખ્યા ચીન અને ઈટાલી બાદ ત્રીજા નંબર છે. અમેરિકામાં હાલમાં લગભગ 68 હજાર જેટલા કોરોના વાયરસથી પીડિત દર્દીઓ છે તથા 1000થી વધુ લોકોનાં મોત નિપજ્યાં છે.
કોરોના વાયરસનાં કારણે અમેરિકામાં અત્યાર સુધી એક હજારથી વધુ લોકોને પોતાના જીવ ગુમાવ્યા છે. એક અહેવાલ મુજબ સૌથી વધુ મોત ન્યૂયોર્ક શહેરમાં થઇ છે. જ્યાં સાડા ત્રણસોથી પણ વધુ લોકોનો કોરોના વાયરસે ભોગ લીધો છે તથા વોશિંગ્ટનમાં આશરે 130 લોકોનાં મોત થયા છે.
નોંધનીય છે કે વર્લ્ડ હેલ્થ ઓર્ગેનાઈઝેશન દ્વારા પણ અમેરિકાને ચેતવણી આપવામાં આવી હતી. WHO દ્વારા આશંકા વ્યક્ત કરવામાં આવી હતી કે ઈટાલી બાદ અમેરિકા કોરોના વાયરસનું કેન્દ્ર બની શકે છે.
નેશનલ ઈન્સ્ટીટ્યુટ દ્વારા અહેવાલ રજૂ કરવામાં આવ્યો છે જેમાં કહેવામાં આવ્યું કે અમેરિકાએ હજુ કોરોના વાયરસનો વધુ એક તબક્કો જોવો પડશે કારણ કે ઠંડીની સિઝનમાં કોરોના વાયરસ વધુ વકરશે. કોરોના વાયરસનાં કારણે નાજુક પરિસ્થિતિમાં રાષ્ટ્રપતિ ટ્રમ્પે ઈમરજન્સીની જાહેરાત કરી દીધી છે. ન્યૂયોર્ક, કેલીફોર્નીયા, વોશિંગ્ટનમ નોર્થ કેરોલિના, ટેક્સાસ અને ફ્લોરિડામાં મુખ્યા જાહેરાતો કરવામાં આવી છે.
સૌથી ખરાબ હાલત ન્યૂયોર્કની છે. આ શહેર હાલમાં કોરોના વાયરસનું કેન્દ્ર બની ગયું છે. અમેરિકામાં એક સાથે આટલા બધા શહેરોમાં ઈમરજન્સીની જાહેરાત ઈતિહાસમાં પહેલીવાર કરવામાં આવી છે.
મંગળવારે ન્યૂયોર્કમાં કોરોના વાયરસથી પીડિત દર્દીઓની સંખ્યા 30 હજારને પાર જતી રહી. શહેરમાં લગભગ ત્રણ સો વ્યક્તિઓની મોત થઇ છે. ન્યૂ જર્સીમાં કોરોના વાયરસે કહેર મચાવ્યો છે. ત્યાં સાડા ચાર હજાર કેસ સામે આવ્યા છે તથા કેલીફોર્નીયામાં પણ 3000 લોકો કોરોના વાયરસની ઝપેટમાં આવી ગયા છે. આ બધા જ રાજ્ય લોકડાઉન કરવામાં આવેલ છે.
અમેરિકાની 10 કરોડથી વધારે જનતા લોકડાઉનમાં છે ત્યારે તેની દેશનાં અર્થતંત્ર પણ માઠી અસર પડી રહી છે. કોરોના વાયરસ સામે પેકેજની પણ જાહેરાત કરવામાં આવી છે. કરોડો અમેરિકનને સીધા જ પૈસા આપવામાં આવશે તથા પેકેજનાં કારણે કંપનીઓ અને બેરોજગારોને પણ લાભ આપવામાં આવશે.