જન્મદિવસના બીજા જ દિવસે શરદ પવાર જાનથી મારી નાખવાની ધમકી મળતા ખળભળાટ, ધમકી આપનાર વ્યક્તિનું લોકેશન ટ્રેસ, ઈસમ બિહારનો હોવાનું ખૂલ્યું
NCPના અધ્યક્ષ શરદ પવારને જાનથી મારી નાખવાની ધમકી મળી
જન્મદિવસના બીજા જ દિવસે શરદ પવાર જાનથી મારી નાખવાની ધમકી મળી
ઇસમે ફોન કરી કહ્યું મુંબઈ આવીને દેશી કટ્ટાથી મારી નાખીશ
રાષ્ટ્રવાદી કોંગ્રેસ પાર્ટીના અધ્યક્ષ શરદ પવારને જાનથી મારી નાખવાની ધમકી મળી છે. વિગતો મુજબ સિલ્વર ઓક ખાતે પવારના ઘરે એક અજાણ્યા વ્યક્તિએ ફોન કર્યો હતો અને પવારને જાનથી મારી નાખવાની ધમકી આપી હતી. ઇસમે કહ્યું હતું કે, તે મુંબઈ આવીને દેશી કટ્ટાથી તેમણે મારી નાંખશે. સૂત્રોએ જણાવ્યું કે, ફોન કરનારે હિન્દીમાં ધમકી આપી હતી. શરદ પવારના બંગલામાં તૈનાત પોલીસ ઓપરેટરની ફરિયાદના આધારે ગામદેવી પોલીસે અજાણ્યા વ્યક્તિ વિરુદ્ધ કેસ નોંધ્યો છે.
ગઈ કાલે એનસીપી ચીફ પવારનો જન્મદિવસ હતો અને આજે જાનથી મારી નાખવાની ધમકીઓ મળતાં ખળભળાટ મચી ગયો છે. પોલીસે આ મામલાને ખૂબ જ ગંભીરતાથી લીધો છે. ધમકીભર્યો ફોન કરનાર વ્યક્તિની પણ ઓળખ થઈ ગઈ છે. ધમકી આપનાર વ્યક્તિ બિહારનો રહેવાસી છે. ધમકી આપનાર વ્યક્તિનું લોકેશન ટ્રેસ કરવામાં આવ્યું છે. સંબંધિત વ્યક્તિ બિહારનો રહેવાસી હોવાનું કહેવાય છે.
An unidentified person called up NCP President Sharad Pawar's residence at Silver Oak & threatened to kill him. A case has been registered against an unidentified person. Police registered a case under section 294,506(2) of IPC and started further investigation: Mumbai Police
આ તરફ પોલીસ તપાસમાં ધમકી આપનારનું નામ નારાયણ સોની જણાવવામાં આવી રહ્યું છે. ફોન નંબર પરથી લોકેશન ટ્રેસ કરીને પોલીસ આરોપીને પકડવા નીકળી છે. બીજી તરફ શરદ પવારની ઓફિસમાંથી મળેલી માહિતી મુજબ ફોન કરનાર વ્યક્તિ માનસિક રીતે બીમાર છે. તે અગાઉ પણ એક વખત આવી ધમકીઓ આપી ચૂક્યો છે. ત્યારબાદ પોલીસે તેને પણ કસ્ટડીમાં લીધો હતો.
શું કહ્યું પોલીસે ?
પોલીસ દ્વારા આપવામાં આવેલી માહિતી અનુસાર શરદ પવારને ધમકી આપનાર વ્યક્તિ હિન્દીમાં વાત કરી રહ્યો હતો. તે કહેતો હતો કે, દેશી બનાવટની પિસ્તોલથી તેઓને મારી નાખશે. પરંતુ જાનથી મારી નાખવાની ધમકી આપવાનું કારણ બહાર આવ્યું નથી. હાલમાં પોલીસે આરોપીઓ વિરુદ્ધ IPCની કલમ 294, 506(2) હેઠળ કેસ નોંધ્યો છે.