હવે સીધો મૃત્યુદંડ! 12 વર્ષથી ઓછી ઉંમરની બાળકી સાધે દુષ્કર્મ મામલે લોકસભામાં રજૂ થશે બિલ

નવી દિલ્હીઃ 12 વર્ષથી ઓછી ઉંમરવાળી બાળકીઓ સાથે દુષ્કર્મ મામલે લોકસભામાં આજે બિલ રજૂ થશે. આ ગુના હેઠળ ગુનેગારને મૃત્યુદંડ 20 વર્ષની સજા અથવા આજીવન કારાવાસની સજા થઈ શકે છે. જમ્મૂ-કશ્મીરના કઠુઆ ઉત્તર પ્રદેશ અને ઉન્નાવમાં દુષ્કર્મની ઘટના બાદ આજે આ બિલ લોકસભામાં રજૂ કરવામાં આવશે.

ઉલ્લેખનીય છે કે ગત 21મી એપ્રિલના રોજ સરકારે આ બિલને મંજૂરી આપી દીધી છે. એટલું જ નહીં બિલમાં 16 વર્ષથી ઓછી ઉંમરવાળી બાળકી સાથે દુષ્કર્મ આચરનારા વિરૂદ્ધ આજીવન કારાવાસની જોગવાઈ કરવામાં આવી છે.

તો પોક્સો એક્ટમાં પણ સુધારો કરવામાં આવશે. કઠુઆ અને ઉન્નાવ દુષ્કર્મ બાદ દેશના વિવિધ ભાગોમાં વ્યાપેલા લોકજુવાળ બાદ આ મુદ્દાને ધ્યાનમાં લેવામાં આવ્યો છે. બિલમાં કરવામાં આવેલી જોગવાઈ મુજબ મહિલા સાથે દુષ્કર્મ મામલે ગુનેગાને પહોલાં સાત વર્ષની સજાના બદલે 10 વર્ષની જેલ અને બાદમાં સજા વધારીને તને ઉંમરકેદમાં બદલવામાં આવશે.

તો 16 વર્ષથી ઓછી ઉંમરવાળી બાળકી સાથે દુષ્કર્મ આચરનારા ગુનેગારને 20 વર્ષની સજા કરવામાં આવી છે. જેને વધારીને આજીવન કારાવાસમાં બદલવામાં આવશે.