હાર્ટ એટેક / ભાવનગરના કુડા ગામમાં માતાજીના માંડવામાં ધૂણતા ભુવાનું મોત, સૌ કોઈ હાંફળાફાંફળા થઈ ગયા, જુઓ શું બન્યું

• ભાવનગરના કુડા ગામમાં માતાજીના માંડવામાં ધૂણતા ભુવાનું મોત
• માતાજીના માંડવામાં ધૂણી રહેલા ભુવાનું મોત નિપજ્યું
• હાર્ટ અટેક આવી જતા અચાનક જ ઢળી પડ્યા ભુવા

આજકાલ યુવાનોમાં હાર્ટ એટેક આવવાની ઘટનામાં સતત વધારો જોવા મળી રહ્યો છે. કોઈ જ બિમારી ન હોય તેમ છતાં લોકોને હાર્ટ એટેક આવી રહ્યાં છે. ભાવનગરના કુડા ગામમાં માતાજીના માંડવામાં ધૂણતા ભુવાનું મોત થયું છે. માતાજીના માંડવામાં ધૂણી રહેલા ભુવાનું ધૂણતા ધૂણતા મોત નિપજ્યું છે.

ભાવનગરના કુડા ગામમાં માતાજીના માંડવામાં ધૂણતા ભુવાનું મોત, સૌ કોઈ હાંફળાફાંફળા થઈ ગયા, જુઓ શું બન્યું#gujarat #bhavnagar #heartattack #VtvGujarati pic.twitter.com/X1UIRsFrcN

— VTV Gujarati News and Beyond (@VtvGujarati) March 26, 2023

મકાભાઈ ગોહિલ નામના ભુવાનું ધૂણતા-ધૂણતા થયું મોત
કુડા ગામમાં માતાજીના રમેળ કાર્યક્રમમાં ધૂણતા ભુવાનું હાર્ટ એટકથી મોત થયું છે. હાર્ટ અટેક આવી જતા અચાનક જ ભુવા ઢળી પડ્યા હતાં. મકાભાઈ ગોહિલ નામના ભુવાનું ધૂણતા-ધૂણતા મોત થયું છે. જ્યાં સૌ કોઈ લોકો હાંફળાફાંફળા થઈ ગયા હતા. જે ઘટના પગલે સમગ્ર પંથકમાં શોકનો માહોલ છવાયો છે.

વેગડવાવ ગામે હાર્ટ એટેક યુવાનનુ મોત થયું હતુ
થોડા દિવસ અગાઉ હળવદના વેગડવાવ ગામે હાર્ટ એટેકથી યુવાનનુ મોત થયું હતું. ચિંતા એ વાતની છે કે, બાઇક પર બેઠેલા યુવાનને હાર્ટ એટેક આવ્યો અને મૃત્યું થયું હતું. અશ્વિનભાઈ વિભાભાઈ રબારીને હાર્ટ એટેક આવ્યો હતો. ખાનગી કંપનીમાં નોકરી યુવાન કરતો હતો. રબારી સમાજમાં શોકનો માહોલ છવાયો હતો. આપને જણાવી દઈએ કે, ગત તા.22નાં રોજ બનાવ બન્યો હતો.

હળવદમાં પણ યુવાનનુ હાર્ટ એટેકથી મોત થયું હતુ
થોડા દિવસ અગાઉ લજાઈ ખાતે ક્રિકેટ રમતા રમતા હળવદના 32 વર્ષીય ગ્રામ સેવક અશોક કણઝરીયાનું દુઃખદ અવસાન થયું હતુ. ચિંતા એ વાતની છે કે રમત રમતા યુવાનો હ્રદયરોગના હુમલાના શિકાર બની રહ્યા છે. ક્રિકેટ રમતા રમતા વધુ એક યુવકનું મોત નીપજ્યું છે. આપને જણાવી દઈએ કે, 31 માર્ચ દરમિયાન જિલ્લા પંચાયતની ક્રિકેટ મેચ રાજકોટ ખાતે રમાવાની છે, જે માટે લજાઈ ખાતે ક્રિકેટ મેચની પ્રેક્ટિસ કરવામાં આવી રહી હતી.

બાથરૂમમાં જ ઢળી પડ્યો હતો નિલેશ ચાવડા
રાજકોટમાં કુદરકી હાજતે ગયેલા 23 વર્ષીય નિલેશ ચાવડાને હાર્ટ એટેક આવ્યો હતો. આ ઘટનામાં નિલેશ બાથરૂમમાં જ ઢળી પડ્યો હતો. ગત 16 માર્ચે કુદરતી હાજતે ગયેલા 23 વર્ષીય યુવકનું હાર્ટ એટેકથી મોત થયું હતું. બાથરૂમનો દરવાજો ખખડાવતા નિલેશે દરવાજો ન ખોલતા દરવાજો તોડીને બહાર કઢાયો હતો. વહેલી સવારે મૃતકના પિતાએ દરવાજો તોડીને તેને બહાર કાઢ્યો હતો. સિવિલ હોસ્પિટલે ખસેડાતા તબીબે નિલેશને મૃત જાહેર કર્યો હતો. 23 વર્ષીય નિલેશ ચાવડા નામના યુવકનું હાર્ટ એટેકથી મોત થતાં પરિવારમા શોકનો માહોલ છવાઈ ગયો હતો.