તારાજી / ગઈ કાલે સૌરાષ્ટ્રમાં બે સ્થળો પર તણાયેલી કારમાં 3ના મૃતદેહ મળ્યાં, રાજકોટના ઉદ્યોગપતિનું મોત

• પેલિકન ફેક્ટરીના માલિક કિશનભાઈ શાહનો મૃતદેહ 
• ગઈ કાલે i 20 કાર પાણીના વહેણમાં તણાઈ હતી
• ઉમરગામમાં કારમાં સવાર 3 લોકો તણાયા

મેઘમહેર ગુજરાતમાં મેઘકહેર બનીને સામે આવ્યો છે. રાજ્યમાં જળબંબાકારની સ્થિતિ બાદ હવે ધીમેધીમે તારાજીના દ્રશ્યો સામે આવી રહ્યો છે, 

પેલિકન ફેક્ટરીના માલિક કિશનભાઈ શાહનો મૃતદેહ 

રાજકોટમાં ગઈકાલે મેઘ તાંડવ સર્જાયો હતો. જેમાં ખીરસરા ગામ પાસે આવેલા છાપરા ગામ નજીક પેલિકન ફેક્ટરીના માલિકની i 20 કાર પાણીના વહેણમાં તણાઈ હતી જેમાં પેલિકન કંપનીના માલિક કિશન શાહ સહિત 3 લોકો કારમાં સવાર હતા જોકે આજે પેલિકનના માલિક કિશનભાઈ શાહનો મૃતદેહ કારમાંથી મળી આવ્યો જ્યારે કારની અંદર રહેલી અન્ય બે વ્યક્તિની શોધખોળ છેલ્લા 24 કલાકથી કરવામાં આવી રહી છે. પેલિકન ફેક્ટરીના માલિકની i 20 કાર પાણીના વહેણમાં કાર તણાઈ જેનો વીડિયો સામે આવ્યા બાદ નેવીની ટીમને સર્ચ ઓપરેશન હાથ ધર્યું હતું જેમાં આજે પેલિકન ફેક્ટરીના માલિક કિશનભાઈ શાહનો મૃતદેહ મળી આવ્યો હતો તેમની કાર 500 મીટર દૂર કાદવમાં ખુપાયેલી મળી આવી હતી જો કે કારમાં સવાર બે વ્યક્તિની હજુ પણ શોધખોળ ચાલું છે.

સમાણા ગામે કાર તણાઈ જતા દંપતિનું મોત 

આ તરફ ભારે વરસાદને કારણે જામનગરમાં પણ સમાણા ગામ નજીક કાર તણાઈ કારમાં સવાર એક દંપતિનું મોત નિપજ્યું છે જ્યારે જોડિયામાં ત્રણ વર્ષના બાળકનું પણ મોત પણ વરસાદના કારણે મોત થયું છે તો અતિવૃષ્ટિને કારણે જામનગરમાં આવેલા ધ્રોલના વોકળામાં યુવકનું ડૂબી જવાથી મોત નિપજ્યું હતું, આમ પેલિકન કંપનીના માલિક કિશન શાહ સહિત અત્યાર સુધીમાં કુલ મૃત્યુઆંક પાંચ પર પહોંચ્યો છે. મહત્વનું છે કે ભારે વરસાદના કારણે અનેજ  જગ્યાએ જળબંબાકાર જેવી સ્થિતિ સર્જાઈ છે ત્યારે  જામનગર શહેર સહિત જિલ્લામાંથી 3 હજાર લોકોનું સ્થળાંતર કરાયું છે. 

ઉમરગામમાં કારમાં સવાર 3 લોકો તણાયા

વલસાડમાં ભારે વરસાદના કારણે સ્થિતિ ખરાબ છે. ઉમરગામમાં કારમાં સવાર 3 લોકો તણાયા જોકે સ્થાનિક લોકોએ કારમાં સવાર 3 લોકોને બચાવ્યા છે. સંજાણ નજીક ટિંભી ગામની વારોલી ખાડીમાં પૂર જેવી પરિસ્થિતિ હોવા છતાં કારચાલકે કાર પસાર કરવાનો પ્રયાસ કરતા કાર તણાઇ જોકે સ્થાનિકો દ્વારા તમામને બચાવી લેવાયા હતા જ્યારે કારને પણ ક્રેનથી બહાર કાઢવામાં આવી છે.