રાજકોટમાં આવેલ એમારલ્ડ 96 ક્લબના સ્વિમિંગ પૂલમાં એક બાળકનું ડૂંબી જતા મોત થયું છે. બાળક સ્વિમિંગ પુલમાં એર ટ્યુબ સાથે ગયો હતો પરંતુ એર઼ટ્યુબ નીકળી જતા બાળકનું કરૂણ મોત નિપજ્યું .
સ્વિમિંગ કરતી વખતે બાળકનું મોત
એર ટ્યૂબ નીકળી જતા બાળકનું મોત નિપજ્યું
રાજકોટના એમરાલ્ડ 96 ક્લબનો બનાવ
રાજકોટના કાલાવડ રોડ પર આવેલ સ્વિમિંગ પુલમાં દુ:ખદ ઘટના બની છે. સ્વીમંગ પુલમાં તે તરૂણ પાણીની મઝા લઈ રહ્યો હતો. તે સમયે તેનું મોત નિપજ્યું છે. આ ઘટના બાદ સ્વિમિંગ પુલનો સ્ટાફ પણ દોડતો થઈ ગયો છે. તરૂણનું મોત થવાને કારણે તેના પરિવાર પર તો જાણે કે આભ તૂટી પડ્યું હોય તેવી પરિસ્થિતી સર્જાઈ છે.
એર ટ્યૂબ નીકળી જતા બાળકનું મોત
શહેરના એમરાલ્ડ 96 ક્લબ પાસે આ બનાવ બન્યો છે. કલબમાં એક સ્વિમિંગ પુલ આવેલું છે જ્યા તરૂણ પાણીની મઝા માણી રહ્યો હતો. જોકે જ્યારે તે સ્વિમિંગની મઝા માણી રહ્યો હતો તે સમયે એર ટ્યૂબ નીકળી ગઈ જેના કારણે તરૂણનું મોત નિપજ્યું છે. તેવી માહિતી સામે આવી છે.
પરિવારમાં શોકનો માહોલ
જોકે બાળક પર આસપાસના લોકોનું ધ્યાન પડતા તે લોકોએ બને તેટલું જલ્દી યુવકને બહાર કાઢ્યો હતો. સાથેજ તેને તાત્કાલીક હોસ્પિટલમાં પણ ખસેડવામાં આવ્યો હતો. પરંતુ સારવાર દરમિયાન તેનું મોત નિપજ્યું જેના કારણે બાળકના પરિવારમાં હાલ શોકનો માહોલ ફેલાઈ ગયો છે.
બાળકના મોતને લઈ ઉઠ્યા સવાલો
ઉલ્લેખનીય છે કે સમગ્ર મામલે સવાલ એ થઈ રહ્યા છે. કે બાળક જ્યારે સ્વિમિંગ પુલમાં જાય છે. ત્યારે કલ્બ ઓથોરેટીનો કોઈ પણ વ્યક્તિ ત્યા કેમ ન હતો. બાળક એકલો સ્વિમિંગ પુલમાં ગયો તો લોકોએ કાળજી શા માટે ન રાખી. હાલ તો આ સમગ્ર મામલે પોલીસે અકસ્માતે મોતનો ગુનો નોંધીને કાયદેસરની કાર્યવાહી આરંભી છે.