જવાબદાર કોણ? / પ્રતિબંધ છતાં સુરતમાં બે શ્રમિકોને ગટર સાફ કરવા ઉતારવામાં આવ્યા, ગૂંગળામણથી મોત

• સુરતમાં વહેલી સવારની દૂર્ઘટના
• ગટરમાં ગુંગળામણથી બે શ્રમિકોના મૃત્યુ
• ગટરમાં કામગીરી કરતા 2 શ્રમિકોના મોત

સુરતમાં વહેલી સવારે એક ગોઝારી ઘટના બની. ગટરમાં ગૂંગળામણને કારણે બે શ્રમિકોના મોત થયા હોવાનું સામે આવ્યું છે. અવારનવાર આવા બનાવો બને છે પરંતુ આ અંગે કોઇ ક્યારેય ગંભીરતા દાખવતુ નથી. પ્રતિબંધ હોવા છતાં ગટર સાફ કરવા માટે શ્રમિકોને ગટરમાં ઉતારાય છે. ત્યારે આવી ગોઝારી ઘટનાને લઇને જવાબદાર કોને ઠેરવવા..

ગટરમાં ગૂંગળામણથી 2ના મોત

અંબાજી રોડ પર મહાલક્ષ્મી ચોક પાસેની આ ઘટના છે.  અહીં ગટરની સફાઇ કરવા માટે બે શ્રમિકોને ગટરમાં ઉતારાયા હતા.  પરંતુ ગટરમાં ગૂંગળામણને કારણે આ બંને શ્રમિકોના મોત નીપજયા. ઘટનાને પગલે શ્રમિકોના પરિજનોમાં ભારે દુઃખની લાગણી ફરી વળી છે. શ્રમિકોને ગટરમાં ઉતારવા માટે પ્રતિબંધ છે તેમ છતાં પણ શ્રમિકોને ગટરમાં ઉતારાય છે. 

શું છે નિયમ?

• ધી એમ્પ્લોયમેન્ટ ઓફ મેન્યુઅલ સ્ક્વેન્જર્સ એન્ડ કન્સ્ટ્રક્શન ઓફ ડ્રાય લેટ્રીન્સ પ્રોહિબીશન એક્ટની જોગવાઈઓ તથા સુપ્રીમ કોર્ટનો ચુકાદો અને સામાજિક ન્યાય અને અધિકારિતા વિભાગની માર્ગદર્શિકા અન્વયે મેન્યુઅલ સ્કેવેન્જિંગ પર પ્રતિબંધ કરવામાં આવ્યો છે.
• ભૂગર્ભ ગટરમાં ઉતરવું કે કોઈને ઉતારવા માટે ફરજ પાડવાને ગેરકાયદે કૃત્ય ગણવામાં આવે છે.
• સૂચનાઓનું ઉલ્લંઘન થાય ત્યારે તમામ જવાબદાર સામે ફોજદારી ગુનો દાખલ કરાય છે.
• ડ્રેનેજ સફાઈ વખતે જેટિંગ મશીન અને ગલી એમ્પ્ટીયર, સળિયાં, વાંકિયું, પાટા, મોટી ટોર્ચ, ઑક્સિજન માસ્ક સિલિન્ડર, હાઇડ્રોલિક ગ્રેબ બકેટ પેડલ રીક્ષા, 5 એચપી ફાઇટર, કપૂરની ગોટી, સાબુ સાથે રાખવા જોઈએ.
• યાંત્રિક સાધનો વડે સફાઈ કરનારા કર્મચારીઓને સેફ્ટી માટે સાધનો પૂરાં પાડવાનું ફરજિયાત છે. 38 લાખના ખર્ચે અપાયેલા આ રોબોટનો ઉપયોગ થયો હોવાનું લગભગ દેખાયું નથી.

 10 જાન્યુઆરીએ પણ 2 સફાઇકર્મીના મોત

સુરતમાં ગટર સાફ કરસફાવા ઉતરેલા 2 સફાઈકર્મીઓના મોત નિપજ્યા હતા.. ગુંગળામણને કારણે બન્નેનુ મોત થયુ હતુ... મળતી માહિતી મુજબ મૃત્યુ પામનાર બન્ને કર્મી સાળા - બનેવી હતા... સુરત જિલ્લાના પલસાણા તાલુકાના ચલથાણા વિસ્તારમાં આ ઘટના બની હતી... જેમાં આ બન્ને કર્મી બિલ્ડિંગની ચોકઅપ થયેલ ગટર સાફ કરવા ઉતર્યા તે દરમ્યાન ગેસને કારણે બન્નેનુ મોત થયુ હતુ....  આ બન્ને ઈસમે ગટરમાં ઉતરતા પહેલા ગટર સાફ કરવા માટે એસિડ નાંખ્યુ હતુ.. જેના ધુમાડાથી બન્ને જણનુ ગુંગળાઈને મોત થયુ હતુ...