છત્તીસગઢની ભૂપેશ બઘેલ સરકારે તેના કર્મચારીઓને 6 ટકા મોંઘવારી ભથ્થાંની ભેટ આપી છે.
છત્તીસગઢની કોંગ્રેસ સરકારે કર્મચારીઓનું DA વધાર્યું
મોંઘવારી ભથ્થામાં કર્યો 6 ટકાનો વધારો
બીજા રાજ્યો પણ કરી શકે છે જાહેરાત
છત્તીસગઢની કોંગ્રેસ સરકારે મોંઘવારીને ધ્યાનમાં રાખીને તેના કર્મચારીઓ માટે એક મોટો નિર્ણય લીધો છે. રાજ્ય સરકારે 1 ઓગસ્ટથી લાગુ પડે તે રીતે કર્મચારીઓના મોઁઘવારી ભથ્થામાં 6 ટકાનો વધારો કર્યો છે. છત્તીસગઢ સરકારના આ નિર્ણયથી 3.8 લાખ સરકારી કર્મચારીઓને લાભ થશે. 6 ટકા મોંઘવારી ભથ્થાંના વધારા સાથે કર્મચારીઓને હવે 28 ટકા ડીએ મળશે. અત્યાર સુધી તેમને 22 ટકા ડીએ મળતું હતું.
1 ઓગસ્ટથી આ ડીએ વધારો લાગુ પડશે
CMO દ્વારા કરવામાં આવેલા ટ્વિટમાં એવું જણાવાયું કે રાજ્ય સરકારના કર્મચારીઓને મે 2022થી સાતમા પગાર પંચ હેઠળ 22 ટકા અને છઠ્ઠા પગાર પંચ પ્રમાણે 174 ટકા ડીએ મળી રહ્યું હતું. પરંત હવે તેમાં સુધારો કરાયો છે જે પ્રમાણે સાતમા પગાર પંચ હેઠળ 5 ટકા અને છઠ્ઠા પગાર પંચ પ્રમાણે 15 ટકા વધારો કરાયો છે. 1 ઓગસ્ટથી આ ડીએ વધારો લાગુ પડશે.
Dearness Allowance hiked by 6% for govt employees in Chhattisgarh, in view of the financial situation: Chhattisgarh CM Bhupesh Baghel pic.twitter.com/6Z4TOfTtal
કેન્દ્ર સરકાર પણ કરી શકે ડીએમાં વધારો
રાજ્ય સરકારો પોતપોતાની રીતે તેના કર્મચારીઓને મોંઘવારીમાં રાહત આપી રહી છે. મીડિયા રિપોર્ટ અનુસાર, કેન્દ્ર સરકાર પણ તેના કર્મચારીઓ માટે ડીએ વધારો જાહેર કરી શકે છે.
સરકારની તિજોરી પર પડશે 2,160 કરોડનો બોજો
6 ટકા ડીએ વધારાને કારણે રાજ્ય સરકાર પર 2160 કરોડનો બોજો પડશે. ઉલ્લેખનીય છે કે કર્મચારી સંગઠનોએ સરકાર પાસે 12 ટકા ડીએ વધારાની માગ કરી હતી પરંતુ સરકારે 6 ટકા ડીએ વધારો આપ્યો છે.
ગુજરાતમાં પણ 3 ટકા વધ્યું ડીએ
સોમવારે ગુજરાત સરકારે પણ તેના 9.38 લાખ કર્મચારીઓ માટે 3 ટકા ડીએ વધારાની જાહેરાત કરી હતી. ગુજરાતના સરકારી કર્મચારીઓને 1 જાન્યુઆરી 2022થી વધેલા ડીએનો લાભ મળશે.