હેવાનિયતની હદ પાર કરી / મહેસાણામાં મૂકબધિર મહિલા પર 4 શખ્સોએ કર્યું ગેંગરેપ, બાળકે ફુગ્ગા વેચતા પિતાને જાણ કરી પછી... 

• મહેસાણાના ઊંઝામાં મૂકબધિર મહિલા સાથે સામૂહિક દુષ્કર્મ
• મહિલાને આરોપીઓએ માર મારી આપી હતી ધમકી 
• ફુગ્ગા વેચતા પિતાને 5 વર્ષના બાળકે કરી જાણ
• ધમકીથી ડરેલ પરિવાર રાજસ્થાન વતનમાં જતો રહ્યો હતો

મહેસાણામાં મૂકબધિર મહિલા સાથે સામૂહિક દુષ્કર્મ

રાજ્યમાં વધી રહેલા દુષ્કર્મના બનાવો એક ચિંતાનો વિષય બન્યો છે. ત્યારે વધુમાં મહેસાણાના ઊઝાંમાં એક દુષ્કર્મનો બનાવ સામે આવ્યો છે. જે સાંભળીને તમે આક્રોશીત થઈ જશો. દુષ્કર્મનો ભોગ બનનાર મૂકબધિર મહિલા છે. તેના પર 4 નરાધમોએ દુષ્કર્મ ગુજાર્યું છે. 

દુષ્કર્મ વિશે  ફુગ્ગા વેચતા પિતાને 5 વર્ષના બાળકે કરી જાણ

મહેસાણાના ઊંઝા નજીક સામુહિક દુષ્કર્મની ઘટના પ્રકાશિતમાં આવી છે. જેમાં એક મૂક બધિર મહિલાને ચાર શખ્સો માર મારી તેની સાથે દુષ્કર્મ ગુજાર્યું હતું. આ વાતની જાણ જ્યારે મહિલાના 5 વર્ષના બાળકને થતાં તેણે સમગ્ર ઘટના ફુગ્ગા વેચતા પિતાને કરી હતી. જેથી મહિલાનો પતિ તાત્કાલિક ઘટના સ્થળે પહોંચી ગયો હતો.  4 શખ્સો મહિલાના પતિને જોઈ જતાં તેને જાનથી મારી નાંખવાની ધમકી આપી હતી. 

ધમકીના ડર થી પરિવાર રાજસ્થાન વતનમાં જતો રહ્યો હતો

બીજી તરફ પરિવારને જાનથી મારી નાંખવાની ધમકીથી ડરેલો પરિવાર રાજસ્થાન વતનમાં પરત જતો રહ્યો હતો. બાદમાં આ અંગે પીડિતા પરિવારજનોએ રાજસ્થાનમાં મહિલા પોલીસ મથકે ઝીરો નંબરથી ફરિયાદ નોંધાવી હતી. જે બાદ મહેસાણા SP કચેરીએ ઝીરો નંબરથી ફરિયાદ નોંધી હતી. અને આરોપીઓ જગન્નાથ બાગરીયા, દેવનારાયણ બાગરીયા , ધારાસિંહ બાગરીયા, માંગીલાલ બાગરીયાને ઝડપી પાડવા પોલીસે તજવીજ હાથ ધરી