પરમેનન્ટ એકાઉન્ટ નંબર (PAN) અને આધાર કાર્ડને લિંક કરવાની તારીખ સેન્ટ્રલ બોર્ડ ઓફ ડાયરેક્ટ ટેક્સીસના આદેશથી 31 ડિસેમ્બરથી પાછી ઠેલીને હવે 31 માર્ચ 2020 કરવામાં આવી છે.
પહેલા ડેડલાઈન હતી 31મી ડિસેમ્બર 2019
સેન્ટ્રલ બોર્ડ ઓફ ડાયરેક્ટ ટેક્સીસ દ્વારા PAN અને આધાર કાર્ડને લિંક કરવાની તારીખ 8મી વાર પાછી ઠેલાઈ
સેન્ટ્રલ બોર્ડ ઓફ ડાયરેક્ટ ટેક્સીસે (CBDT) એક નિવેદન આપતા જણાવ્યું હતું કે ઇન્કમ ટેક્સ એક્ટ 1961ના સેક્શન 139 AA ના સબ સેક્શન 2 અંતર્ગત PAN અને આધાર કાર્ડને લિંક કરવાની તારીખ 31 ડિસેમ્બર 2019થી ખસેડીને 31 માર્ચ 2020 કરવામાં આવી છે. આ માટે નોટિફિકેશન નંબર 107 જાહેર કરવામાં આવ્યું છે.
The due date for linking of PAN with Aadhaar as specified under sub-section 2 of Section 139AA of the Income-tax Act,1961 has been extended from 31st December, 2019 to 31st March, 2020.
Notification no.107 of 2019 dated 30/12/2019 issued by CBDT.
ઇન્કમ ટેક્સ એક્ટ 1961ના સેક્શન 139 AA ના સબ સેક્શન 2 અંતર્ગત જુલાઈ 2017થી PAN કાર્ડ ધરાવતા દરેક વ્યક્તિ જે આધાર કાર્ડને પાત્ર છે તેણે તેનું આધાર કાર્ડ PAN કાર્ડ સાથે લિંક કરવું ફરજીયાત છે.
કોને મળે છે આધાર અને PAN?
આધાર કાર્ડ Unique Identification Authority of India (UIDAI) વડે ભારતના રહેવાસીને ઇસ્યુ કરવામાં આવે છે અને PAN 10 ડિજિટનો આલ્ફાન્યુમેરિક નંબર છે જે ઈન્ક્મ ટેક્સ ડિપાર્ટમેન્ટ વડે વ્યક્તિને અથવા તેના વેપારને આપવામાં આવે છે.
આધાર PAN લિંક કરાવવું છે ફરજીયાત
નોંધનીય છે કે ગયા વર્ષે સપ્ટેમ્બરમાં સુપ્રીમ કોર્ટે આધારને બંધારણીય ગણાવીને PAN મેળવવા અને ઇન્કમટેક્સ રિટર્ન ફાઈલ કરવા માટે બાયોમેટ્રિક આઈડી ફરજીયાત કરી દીધા.