1 ઓક્ટોબર 2021થી તમારા બેંક સાથે જોડાયેલા ઓટો-ડેબિટ પેમેન્ટનો નિયમ બદલાઈ જશે. તેને ચાલુ રાખવા માટે બે કામ અત્યંત જરૂરી છે. જ્યારે તમારો મોબાઈલ નંબર ખાતામાં એડ કરાવી દો તો તમે ઓટો-ડેબિટનો ફાયદો લઇ શકશો અને આ નંબર બિલ્કુલ સાચો હશે.
1 ઓક્ટોબર પહેલાં પતાવી લો આ કામ નહીંતર થશે મોટું નુકસાન
ઈન્કમ ટેક્સ અને બેકિંગ સાથે જોડાયેલા નિયમોમાં 30 સપ્ટેમ્બરથી થશે ફેરફાર
ઈન્કમ ટેક્સ અને બેકિંગ સાથે જોડાયેલા ઘણાં નિયમોમાં 30 સપ્ટેમ્બરથી ફેરફાર થઇ રહ્યો છે. જેને ધ્યાનમાં રાખીને બાકીના ત્રણ દિવસોમાં જરૂરી કામ પતાવી લો. કારણકે ત્યારબાદ તમને તક મળશે નહીં. સપ્ટેમ્બર મહિનામાં ડેડલાઈન રાખવા પાછળનું મુખ્ય કારણ કોવિડને પગલે કરવામાં આવેલુ લોકડાઉન અને ઘણાં પ્રકારના પ્રતિબંધ છે.
બેંક એકાઉન્ટમાં તમારો મોબાઈલ નંબર એડ કરાવો
ત્રણ પ્રકારના મોટા ટાસ્ક છે, જેને 30 સપ્ટેમ્બર 2021 પહેલાં આવશ્ય પતાવી નાખવા. નહીંતર તમારે મોટું નુકસાન ઉઠાવવુ પડશે. જેમાં પ્રથમ કામ છે કે તમે 30 સપ્ટેમ્બર સુધી તમારા બેંક એકાઉન્ટમાં તમારો મોબાઈલ નંબર એડ કરાવી દો. જો તમે આવુ નહીં કરો તો બેંક સાથે જોડાયેલા કામમાં મુશ્કેલી પડી શકે છે. હવે બેંક સાથે જોડાયેલા દરેક મેસેજ અને ટ્રાન્જેક્શન માટે ઓટીપી મોબાઈલ નંબર પર મોકલવામાં આવે છે. આ કામ ત્યારે જ શક્ય બનશે જ્યારે બેંક ખાતામાં તમારો મોબાઈલ નંબર એડ થશે.
બદલાઈ જશે ઓટો ડેબિટ સાથે જોડાયેલો નિયમ
આ રીતે 1 ઓક્ટોબર 2021થી તમારા બેંક સાથે જોડાયેલા ઓટો-ડેબિટ પેમેન્ટનો નિયમ બદલાઈ જશે. તેને ચાલુ રાખવા માટે બે કામ જરૂરી કરવા પડશે. જ્યારે તમારો મોબાઈલ નંબર ખાતામાં એડ થશે ત્યારે તમે ઓટો-ડેબિટનો ફાયદો લઇ શકશો અને આ નંબર બિલ્કુલ સાચો હશે. જો બેંકમાં તમારો મોબાઈલ નંબર ખોટો હશે તો ઓટો-ડેબિટની સિસ્ટમ તેને રીડ કરી શકશે નહીં અને તમારા ખાતામાંથી પૈસા કપાશે નહીં. એટલેકે ઓટો-ડેબિટ નહીં થાય અને તમારા પેમેન્ટનું બિલ ફસાઈ જશે. જેનાથી તમારી પર વ્યાજ ચૂકવવાનું દબાણ વધી શકે છે. જો ઓટો-ડેબિટ નહીં થાય તો તમારું પેમેન્ટ બાઉન્સ થઇ શકે છે અને તમારે તેના માટે દંડ ચૂકવવો પડી શકે છે.
જો ઓટો-ડેબિટ નહીં હોય તો તમારા પેમેન્ટ અટકી જશે
ઓટો-ડેબિટ નહીં હોવાથી તમારું ડેબિટ અથવા ક્રેડિટ કાર્ડનું બિલ પેમેન્ટ નહીં થાય. ઘણાં પ્રકારના યુટિલિટી બિલ જેવા કે ગેસ, વીજળી, પાણી, ફોન વગેરેનું પેમેન્ટ અટકી જશે. નેટફ્લિક્સ, એમેઝોન અને એપલ મ્યુઝીક અને સ્પોટીફાઈના બિલની ચૂકવણી થશે નહીં. આ સેવાઓ તાત્કાલિક અસરથી બંધ થઇ શકે છે. નવા નિયમ મુજબ, હવે બેંકોને ઓટો-ડેબિટથી 24 કલાક પહેલાં મેસેજ મોકલવો પડશે અને આ ત્યારે જ શક્ય છે જ્યારે તમારો મોબાઈલ નંબર બેંક ખાતામાં એડ હશે.