કેન્દ્ર સરકારે આધાર અને પાન લિંક કરાવવાની તારીખ 30 જૂન સુધી લંબાવવાની જાહેરાત કરી દીધી છે.
આધાર અને પાન લિંક કરાવવાની છેલ્લી તારીખ 31 માર્ચ 2021 હતી
સરકારે 30 જૂન સુધી લંબાવી
લોકોને પડતી મુશ્કેલીઓને ધ્યાનમાં રાખીને સરકારે કર્યો નિર્ણય
જે લોકોએ હજુ સુધી આધાર અને પાન કાર્ડ લિંક કરાવ્યું નથી તેમના કામના આ સમાચાર છે. અત્યાર સુધી આ તારીખ 31 માર્ચ 2021 હતી પરંતુ હવે તેને વધારીને 30 જૂન કરી દેવાઈ છે.
કેન્દ્ર સરકારે આધાર-પાન લિંક કરાવવાની છેલ્લી તારીખના થોડા સમય પહેલા નાગરિકોને આ રાહત આપી છે.
ભૂતકાળમાં પણ સરકાર અનેક વાર આધાર-પાન લિંક કરાવવાની તારીખ લંબાવી ચૂકી છે. ગયા વર્ષના જુન મહિનામાં પણ આઈટી ડિપાર્ટમેન્ટે આધાર-પાન કાર્ડ લિંક કરવાની મુદત વધારી હતી. ઉલ્લેખનીય છે કે નવા કાયદા અુસાર સરકારે નવા પાન કાર્ડની અરજી માટે આધાર કાર્ડ ફરજિયાત બનાવ્યું છે. નવા પાન કાર્ડ અરજીના કેસમાં અરજી પ્રોસેસિંગના સમયે જ આપમેળે ઈન્ટરલિંકિગ થઈ જતું હોય છે.
Central Government extends the last date for linking of Aadhaar number with PAN from 31st March, 2021 to 30th June, 2021, in view of the difficulties arising out of the COVID-19 pandemic.(1/2)@nsitharamanoffc@Anurag_Office@FinMinIndia
પહેલેથી નક્કી સમયમર્યાદા અનુસાર પાન કાર્ડ અને આધાર લિંક કરાવવા માટે આજે બુધવારે છેલ્લી તારીખ હતી તેને કારણે મોટી સંખ્યામાં લોકોએ ઈન્કમ ટેક્સ એક્સેસ કરતા સાઈટ ઘણી વાર ક્રેશ થઈ ગઈ હતી.
પહેલી વાર બપોરના 12 વાગે સાઈટ ક્રેશ થઈ હતી ત્યાર બાદ 2 વાગે અને 3 વાગ્યે પણ સાઈટ ક્રેશ થઈ હતી. લોકોએ સાઈટ ક્રેશ થવાની ફરિયાદ ટ્વિટર પર કરી હતી. પરંતુ છેલ્લી ઘડીએ સરકારે લોકોની પરેશાની દૂર કરી છે.
આ રીતે પાન કાર્ડને આધારથી કરો લિંક
જો તમે તમારા પાન કાર્ડથી આધારને લિંક કરવા માંગતા હોય તો તમારે તમારા મોબાઇલ નંબરથી UIDPAN <12-digit Aadhaar> <10-digit PAN> ટાઇપ કરીને 567678 કે 561561 પર મેસેજ મોકલવો પડશે. આ પછી તમારો પાન આધારથી લિંક થવાની સૂચના મળી જશે.
વેબસાઇટ પર જઇને આ રીતે કરો લિંક
ઇનકમ ટેક્સની વેબસાઇટ https://incometaxindiaefiling.gov.in પર જાઓ. અહીં તમારી સામે એક હૉમ પેજ ખુલશે, હૉમ પેજ પર તમારે Link Aadhaarનુ ઓપ્શન દેખાશે. તમે આના પર ક્લિક કરો. આ પછી તમારે તમારો પાન નંબર, આધાર નંબર અને અન્ય જરૂરી જાણકારીઓ ભરવાનો ઓપ્શન દેખાશે. પુરેપુરી ડિટેલ ભર્યા બાદ કેપ્ચા કૉડ નાંખો અને લિંક આધાર પર ક્લિક કરો. આમ કરતાં જ તમારી સામે પાન કાર્ડ અને આધાર કાર્ડ લિંક થવાની સૂચના આવી જશે.