ના હોય! / ડૉક્ટરે મૃત જાહેર કર્યો! પત્નીના સ્પર્શ કરતા જ ફરી ધબકવા લાગ્યું પતિનું હૃદય, કિસ્સો સાંભળી ચોંકી જશો

• ડૉક્ટરોએ શખ્સને જાહેર કર્યો હતો મૃત
• પત્નીના સ્પર્શથી ફરી બેઠો થયો શખ્સ 
• ફરી કામ કરવા લાગ્યુ હૃદય 

એક શખ્સને ડૉક્ટરોએ મૃત જાહેર કરી લીધો હતો. ડોનેશન માટે તેના ઓર્ગેન્સ કાઢવાનું કામ શરૂ થઈ રહ્યું હતું કે શખ્સના પગ હલવા લાગ્યા. ફરી તેના હાર્ટે કામ કરવાનું શરૂ કરી દીધું. ત્યાર બાદ ડૉક્ટરોએ જણાવ્યું કે તે કોમામાં છે અને તેનું મોત નથી થયું. હજુ પણ શખ્સ હોસ્પિટલમાં જ છે અને ક્રિટિકલ કંડીશનમાં છે. 

આ ગંભીર બિમારીથી પીડાતો હતો શખ્સ 
મામલો અમેરિકાના નોર્થ કેરોલિનાનો છે. ત્રણ બાળકોના પિતા રયાન માર્લોને ગયા મહિને ઈમરજન્સી ડિપાર્ટમેન્ટમાં ભરતી કરાવવામાં આવ્યા હતા. તે listeriaથી પીડિત હતા. બાદમાં રયાનના મગજ પર સોજો આવ્યો અને તે કોમામાં જતા રહ્યા. જ્યાર બાદ 27 ઓગસ્ટે ડોક્ટરોએ તેમને બ્રેન ડેડ જાહેર કર્યા હતા. નોર્થ કેરોલિનાના કાયદા અનુસાર જો કોઈ વ્યક્તિનું મગજ કામ કરવાનું બંધ કરી દે તો તેને મૃત જાહેર કરી શકાય છે. 

ડૉક્ટરોએ શરૂ કરી દીધી હતી ઓર્ગન ડોનેટની પ્રોસેસ 
મામલાને લઈને રયાન માર્લોની પત્ની મેઘને કહ્યું- ડૉક્ટર બહાર આવ્યા અને તેમણે કહ્યું- "તમારા પતિનું મોત થઈ ગયું છે, તેમનું ન્યૂરોલોજીકલ ડેથ થયું છે. તેમણે ચાર્ટ પર મોતનો સમય પણ લખ્યો હતો. પછી મેં ડૉક્ટરોને જણાવ્યું કે મારા પતિ ઓર્ગન ડોનર છે. તેમણે ઓર્ગન ડોનેશનની પ્રોસેસ પણ શરૂ કરી દીધી."

શખ્સનું થયું હતું ન્યૂરોલોજિકલ ડેથ 
મહિલાએ જણાવ્યું કે તેના બાદ તે ઘરે જતી રહી હતી. મેઘનએ દાવો કર્યો કે બે દિવસ બાદ ડૉક્ટરોએ ફોન કરીને જણાવ્યું કે હકીકતમાં રયાન ટ્રોમેટિક બ્રેન ડેમેજથી પીડિત છે. માટે ડોક્ટરોએ તેના મોતનો સમય 27 ઓગસ્ટથી બદલીને 30 ઓગસ્ટ કરી દીધો. મેઘને કહ્યું- ડૉક્ટરોએ જણાવ્યું કે તેમનાથી એક ભૂલ થઈ ગઈ હતી. રયાનનું મોત ન હતું થયું. તેનું ન્યૂરોલોજિકલ ડેથ થયું હતું. મેં ડૉક્ટરોને પુછ્યું કે તેનો મતલબ શું છે? 

મેઘને કહ્યું- મને જણાવવામાં આવ્યું કે રયાન હકીકતમાં ટ્રોમેટિક બ્રેન સ્ટેમ ઈંજરીથી પીડિત છે અને તે બેસિકલી બ્રેન ડેડ જ ગતા. બીજી સવારે રયાનને લાઈફ સપોર્ટથી હટાવીને તેના ઓગ્રેન્સને કાઢવાના હતા. 

શખ્સના પગ હલવા લાગ્યા
પરંતુ ડૉક્ટરોએ સર્જરી પહેલા રયાનની પાસે મેઘનને મોકલી. તેણે ત્યાં બાળકોની સાથે રમતા રયાનનો વીડિયો પ્લે કર્યો. મેઘને જણાવ્યું- તેના બાદ રયાનના પગ હલ્યા. હું રડવા લાગી, હું પોતાને ખોટી આશા આપવા માંગતી ન હતી મને ખબર હતી કે બ્રેઈન ડેડની કંડીશનમાં આવું થઈ શકે છે. 

મેઘને જણાવ્યું- હું રયાનને જોવા રૂમમાં ગઈ. મેં તેને એ બધુ કહ્યું જે તેના ગયા પહેલા હું કહેવા માંગતી હતી. મેં તેમને કહ્યું કે તેમને લડવું પડશે કારણ કે હું ઓર્ગેન ડોનેશન પ્રોસેસને રોકવા જઈ રહી છુ અને અમુક ટેસ્ટ કરાવવા જઈ રહી છું. 

તપાસમાં થયો ખુલાસો 
તપાસમાં જાણવા મળ્યું કે રયાનની ન્યૂરોલોજીકલ ડેથ નથી થઈ અને તેના મગજમાં લોહીનો ફ્લો થઈ રહ્યો છે. મેઘને જણાવ્યું મેં રયાનના હાથને સ્પર્શ કર્યો અને તેની સાથે વાત કરી અને રયાનની હાર્ટ બીટ વધી ગઈ. હવે ડૉક્ટરોએ જણાવ્યું કે બ્રેઈન ડેડ નથી. પરંતુ તે કોમામાં છે. 

મેઘને જણાવ્યું કે મારા પતિ ખૂબ જ ક્રિટિકલ છે. તે હજુ પણ રિસ્પોન્ડ નથી કરી રહ્યા. તેમણે હજુ સુધી પોતાની આંખો નથી ખોલી.