સોશિયલ મીડિયામાં વાઈરલ થયેલા વીડિયોમાં એક વધુ રેસ્ટોરેન્ટની બેદરકારી સામે આવી છે. મણિનગરના ઓનેસ્ટ રેસ્ટોરેન્ટમાં એક પરિવારે મંગાવેલા ઢોંસામાં વંદા નીકળ્યા હતા. આ તમામ ઘટનાનો વીડિયો વાઈરલ થયો હતો અને આખરે હેલ્થ વિભાગે રેસ્ટોરેન્ટને ક્લોઝર નોટિસ ફટકારી છે.
મનપા હેલ્થ વિભાગે રેસ્ટોરેન્ટને ફટકારી નોટીસ
બ્રાન્ડ જોઈને જમવા જતા લોકો માટે લાલબત્તી
વીડિયો વાઈલ થતા તંત્ર પણ હરકતમાં આવ્યુ હતુ
બ્રાન્ડ જોઈને સારૂ જ હશે હાઈજેનીક જ હશે એવી ભદ્ર વર્ગમાં એક છાપ ઉભી થઈ રહી છે ત્યારે વળી એક હચમચાવનારો કિસ્સો સામે આવ્યો છે. મણિનગરના ઓનેસ્ટ રેસ્ટોરેન્ટમાં ઢોંસામાંથી વંદા નીકળ્યા હતા જેને પગલે હોબાળો મચી ગયો હતો. આ ઘટનાનો વીડિયો વાઈરલ થયા બાદ તંત્ર પણ દોડતુ થયુ હતુ.
શું હતી ઘટના
એક પરિવાર રેસ્ટોરેન્ટમાં જવા માટે પહોંચ્યુ હતુ. તેમણે સ્પ્રિંગ ઢોસાનો મંગાવ્યો હતો. પહેલા ઓર્ડર આવ્યો તે પાછો મોકલાવ્યો, બીજો ઓર્ડર ચલાવી લીધો અને ત્રીજો ઓર્ડરમાં મોઢામાં નાખતા સમયે વંદો દેખાયો હતો. જેથી પરિવારે મેનેજરને જાણ કરતા કોઈ જવાબ આપ્યો ન હતો. પરંતુ મેનેજરે પોતાની રેસ્ટોરેન્ટને બચાવ કર્યો હતો. આ ઘટનાનો વીડિયો સોશિયલ મીડિયામાં વાઈરલ થયો હતો.
શું પડ્યા પ્રત્યાઘાત
આ ઘટનાનો વીડિયો સોશિયલ મીડિયામાં વાઈરલ થયા બાદ હેલ્થ વિભાગ પણ હરકતમાં આવ્યું છે. મનપાના હેલ્થ વિભાગે તુરંત જ રેસ્ટોરેન્ટને ક્લોર નોટીસ ફટકારી હતી.