મનોરંજન / 27 વર્ષ પછી ફરી રિલીઝ થયેલ DDLJ એ એક દિવસમાં કર્યું તાબડતોડ કલેક્શન, ફરી જોવા મળી હતી શાહરુખ-કાજોલની જાદુઇ જોડી

• 27 વર્ષ પછી DDLJ ફરી રિલીઝ થઈ હતી 
• ફિલ્મમાં કાજલ અને શાહરૂખની જોડીને લોકોએ ખૂબ પસંદ કરી હતી
• એક દિવસમાં કર્યું બમ્પર કલેક્શન 

બોલીવુડના કિંગ ઓફ રોમાંસ કહેવાતા શાહરૂખ ખાનો 2 જી તારીખે 57મો જન્મદિવસ હતો અને આ દિવસે એમના ચાહકોને બે ભેટ મળી  હતી. એક બાજુ ફિલ્મ પઠાણનું ટીઝર રિલીઝ કરવામાં આવ્યું હતું અને બીજી બાજુ સુપરહિટ ફિલ્મ 'દિલવાલે દુલ્હનિયા લે જાયેંગે' થિયેટરોમાં ફરી રીલિઝ કરવામાં આવી હતી. જણાવી દઈએ કે દિલવાલે દુલ્હનિયા લે જાયેંગે ફિલ્મમાં કાજલ અને શાહરૂખની જોડીને લોકોએ ખૂબ પસંદ કરી હતી અને એ સમયથી આ જોડી હજુ પણ હિટ છે. પણ શું તમે જાણો છો કે 27 વર્ષ પછી DDLJ ફરી રિલીઝ થઈ એ સમયે તેને થિયેટરમાં કેટલી કમાણી કરી….

એક દિવસમાં કર્યું 25 લાખ રૂપિયાનું કલેક્શન 
જણાવી દઈએ કે દિલવાલે દુલ્હનિયાલે જાયેંગે ફિલ્મ વર્ષ 1995માં રિલીઝ થઈ હતી. એ સમયે આ ફિલ્મ સુપરહિટ સાબિત થઈ હતી આ સાથે જ હિન્દી સિનેમા માટે એક માઈલસ્ટોન પણ સાબિત થઈ હતી.2 નવેમ્બરના રોજ શાહરૂખ ખાનના જન્મદિવસના પર  PVR, INOX અને Cinepolis પર ફિલ્મ ફરીથી રિલીઝ કરવામાં આવી હતી. એક મીડિયા રિપોર્ટ અનુસાર ફિલ્મે એ એક દિવસમાં લગભગ 25 લાખ રૂપિયાનું કલેક્શન કર્યું હતું. આ પરથી જાણી શકાય છે જ્યાં એક બાજુ બૉલીવુડની ફિલ્મો પિટાઈ રહી છે ત્યાં 27 વર્ષ પછી પણ આ ફિલ્મ સુપરહિટ રહી અને તાબડતોડ કલેક્શન કર્યું. 

રિપોર્ટ અનુસાર  PVRમાં  13,10,000 રૂપિયાનું, INOXમાં 5,54,000 રૂપિયાનું અને સિનેપોલિસના મલ્ટીપ્લેક્સમાં 4,40,000 રૂપિયાનું કલેક્શન કરવામાં આવ્યું હતું. 27 વર્ષ પહેલા માત્ર ફિલ્મ જ નહીં પરંતુ ફિલ્મના ગીતો પણ બ્લોકબસ્ટર સાબિત થયા હતા અને લોકો આજે પણ ફિલ્મ જોવાનું પસંદ કરે છે. 

2023માં શાહરૂખ ખાનનો ટ્રિપલ ધમાકા 
ફિલ્મ પઠાણથી શાહરૂખ ખાન કમબેક કરી રહ્યો છે. જણાવી દઈએ કે પઠાણ જાન્યુઆરી 2023માં રિલીઝ થવા જઈ રહ્યું છે અને ફિલ્મમાં જોન અબ્રાહમ અને દીપિકા પાદુકોણ પણ મુખ્ય ભૂમિકામાં જોવા મળશે.જો કે આ ફિલ્મ સિવાય શાહરૂખ ખાને રાજકુમાર હિરાણી સાથેની ફિલ્મ ડંકીની પણ સત્તાવાર જાહેરાત કરી છે અને તેની આ ફિલ્મમાં તાપસી પન્નુ જોવા મળશે. આ ફિલ્મ 22 ડિસેમ્બર 2023ના રોજ રિલીઝ થશે.આ બે ફિલ્મો સિવાય શાહરૂખ ફિલ્મ જવાનમાં પણ જોવા મળશે.આ ફિલ્મનું ટીઝર રિલીઝ કરવામાં આવ્યું હતું જે લોકોને ઘણું પસંદ આવ્યું હતું. શાહરૂખ ખાનની ફિલ્મ જવાન 2 જૂન, 2023ના રોજ રિલીઝ થશે.