કોરોનાકાળમાં જ્યારે લોકોને ઘણી મુશ્કેલીઓને સામનો કરવો પડી રહ્યો છે ત્યારે કેટલીક જગ્યાએ એવા કિસ્સા સાંભળવા મળ્યા હશે કે એવુ લાગે દુનિયામાં માનવતા જેવું કંઇ રહ્યું જ નથી. તો બીજી તરફ માનવતા હજૂ પણ હયાત છે તેવા કિસ્સા પણ સાંભળવા મળે છે.
માનવતાનુ ઉદાહરણ
જરૂરિયાતમંદ લોકોની કરે છે મદદ
મહિલા પોલિસકર્મીઓ કરે છે મદદ
કોરોનાના આ કપરાકાળમાં વડોદરાનો એક કિસ્સો સામે આવ્યો છે કે પોલીસ પોતાના કામ સાથે લોકોની મદદ પણ કરી રહી છે. વડોદરાની DCP સરોજ કુમારી ડ્યુટી પતાવીને તેમની ટીમ સાથે જરૂરિયાતમંદ લોકો માટે જમવાનુ બનાવે છે.
સરોજ કુમારીએ પોલીસ રસોઇની શરૂઆત કરી હતી. તેમણે જ આ યોજનાની શરૂઆત કરીને દરેકના જમવાનો પ્રબંધ કર્યો હતો. શહેરની મહિલા પોલિસ ડ્યુટી સાથે રોજ 1200 લોકોનુ જમવાનુ બનાવે છે.
તેમણે જણાવ્યુ હતુ કે, રસોઇ માટે પહેલા રાશન અને અન્ય વસ્તુઓને ભેગી કરી બાદમાં પહેલા દિવસે 550 લોકો માટે જમવાનુ બનાવ્યુ હતુ. આ કામમાં તે પોતે મદદ કરે છે અને પોલિસની ટીમ જ લોકોને જમવાનુ ગરીબો સુધી પહોંચાડે છે.
ડ્યુટી બાદ રોજ 50 મહિલા પોલિસકર્મી કરે છે મદદ
રોડ લગભગ 50 મહિલા પોલિસકર્મી સરોજ કુમારી સાથે મળીને રસોઇ કરે છે. સરોજ કુમારીના ભાઇએ જણાવ્યુ કે તેમની બહેનને સમગ્ર ગુજરાતમાંથી વાહવાહી મળી રહી છે. સેવાનું આ એક ઉત્તમ ઉદાહરણ છે.