મહામારી / આજે સવારે 11 વાગ્યે DCGI કરી શકે છે મોટું એલાન, તો ભારતને મળશે 2 વેક્સિન!

• DCGI રવિવાર સવારે 11 વાગ્યે પ્રેસ કોન્ફરન્સ કરીને મોટું એલાન
• 1 જાન્યુઆરીએ એક્સપર્ટ કમિટી કોવિશીલ્ડને મંજૂરી આપી હતી
• 2 જાન્યુઆરીએ એક્સપર્ટ કમિટી કોવેક્સિનને મંજૂરી આપી હતી

કોરોના મહામારી સામે લડવા માટે તેની વેક્સિનની ખુબ જ રાહ જોવાઇ રહી હતી. પરંતુ હવે આ રાહ ખતમ થવાની છે, કારણ કે કોરોના વેક્સિન માટે બનાવવામાં આવેલી એક્સપર્ટ કમિટીની વેક્સિન ઇમરજન્સી ઉપયોગને મંજૂરી આપી દીધી છે. હવે ફાઇનલ મંજૂરી માટે સૌની નજર ડ્રગ કંટ્રોલર જનરલ ઓફ ઇન્ડિયા(DCGI) પર ટકેલી છે. તેવામાં હવે DCGI રવિવાર સવારે 11 વાગ્યે પ્રેસ કોન્ફરન્સ કરીને મોટું એલાન કરી શકે છે. જણાવી દઇએ કે અત્યાર સુધીમાં બે વેક્સિન (કોવિશીલ્ડ અને કોવેક્સીન)ને એક્સપર્ટ કમિટી દ્વારા ઇમજરન્સી ઉપયોગ માટે લીલી ઝંડી મળી ચૂકી છે.

DCGI કરશે પ્રેસ કોન્ફરન્સ
 
જોકે, સેન્ટ્રલ ડ્રગ્સ સ્ટૈન્ડર્ડ ઑર્ગેનાઇઝેશનની સબ્જેક્ટ એક્સપર્ટ કમિટીએ DCGIની પાસે ભારત બાયોટેકની કોવેક્સિન અને સીરમ ઇન્સ્ટીટ્યૂટની પણ બન્ને વેક્સિનના ઇમરજન્સી ઉપયોગને મંજૂરી આપી દેશે. આજે સવારે 11 વાગ્યે DCGI આ વિશે દેશના લોકોને માહિતી આપશે.

ભારતને મળી શકે છે 2 વેક્સિન

1 જાન્યુઆરીએ એક્સપર્ટ કમિટીએ ઑક્સફોર્ડ-એસ્ટ્રેજનેકાની વેક્સિન કોવિશીલ્ડના ઇમરજન્સી રિસ્ટ્રિક્ટેડ યૂઝની મંજૂરી આપી હતી. ત્યારે બીજા દિવેસ એટલે કે 2 જાન્યુઆરીએ સ્વદેશી ભારત બાયોટેક દ્વારા બનાવવામાં આવી રહેલી વેક્સિન કોવેક્સિનને પણ ઇમરજન્સી રિસ્ટ્રિક્ટેડ યૂઝની મંજૂરી આપી દેવામાં આવી છે. તેવામાં હેવ ભારતને કોરોના વિરૂદ્ધ 2  વેક્સિન મળવાની પૂરેપૂરી સંભાવના છે. બસ હેવ સવારે DCGIની ફાઇનલ મંજૂરીની રાહ છે.

ડ્રગ કંટ્રોલર જનરલ ઓફ ઇન્ડિયા(DCGI)દવા કે ડ્રગને મંજૂરી આપે છે

ઉલ્લેખનીય છે કે, ડ્રગ કંટ્રોલર જનરલ ઓફ ઇન્ડિયા(DCGI) જ્યારે કોઇ દવા કે ડ્રગને મંજૂરી આપે છે, ત્યારે કંપનીને આના ઉપયોગની મંજૂરી મળવાની રહે છે. જોકે, DCGIથી આ બન્ને વેક્સિનને ઇમરજન્સી ઉપયોગને મંજૂરી મળ્યા બાદ ભારતમાં પણ જલ્દીધી કોરોનાનું વેક્સિનેશન શરૂ થઇ જશે. જોકે, દેશમાં 2 જાન્યુઆરીથી કોરોના વેક્સિનનું ડ્રાઈ રન કરવામાં આવી રહ્યું છે. ડ્રાઈ રન રિઝલ્ટ ઘણુ સકારાત્મક રહ્યું. જેને લઇને કેન્દ્રીય સ્વાસ્થ્યમંત્રી ડૉક્ટર હર્ષવર્ધને એક સમીક્ષા બેઠક પણ કરી હતી.

6 અને 7 જાન્યુઆરીએ રસીકરણ અભિયાન શરૂ થશે

દેશમાં કોરોનાની રસીના ઇમરજન્સી ઉપયોગનો રસ્તો સાફ થઈ ગયો છે. શુક્રવારે કેન્દ્રની નિષ્ણાતોની સમિતીએ ઓક્સફોર્ડ-એસ્ટ્રાજેનેકાની વેક્સિન કોવિશિલ્ડને મંજૂરી આપી છે. તેના 5 કરોડ ડોઝ તૈયાર છે અને તેને એક-બે દિવસમાં વિમાન દ્વારા દેશભરના પ્રાદેશિક કેન્દ્રોમાં પહોંચાડાશે. 6 અને 7 જાન્યુઆરીએ રસીકરણ અભિયાન શરૂ થશે.

કોવિશિલ્ડ વેક્સિન વિશે જાણો

• ઓક્સફર્ડ યુનિવર્સિટી દ્વારા આ રસીનું સંશોધન થયું છે
• ભારતમાં ઓક્સફર્ડની વેક્સિનનું નામ કોવિશિલ્ડ છે
• ઓક્સફર્ડે એસ્ટ્રાઝેનેકા બાયોફાર્માસ્યૂટિક કંપની સાથે કરી છે પાર્ટનરશિપ
• ભારતની સીરમ ઈન્સ્ટીટ્યૂટ કોવિશિલ્ડનું કરી રહી છે ઉત્પાદન
• કોવિશિલ્ડ ભારતમાં બનનારી પહેલી ત્રણ રસીમાંની એક છે
• પુનાની સીરમ ઈન્સ્ટીટ્યુટ ઓક્સફર્ડ દ્વારા સંશોધિત આ રસીનું ઉત્પાદન કરી રહી છે
• ઓક્સફર્ડ,એસ્ટ્રાઝેનકા અને સીરમ ઈન્સ્ટીટ્યુટ એમ ત્રણેય સંસ્થાઓ વચ્ચે છે ભાગીદારી
• કોવિશિલ્ડ બાળકોથી લઈ વૃદ્ધમાં અસરદાર જોવા મળી છે
• શરૂઆતના પરિણામમાં લક્ષણ વગરના લોકોને સંક્રમણનો ખતરો ખુબ જ ઓછો
• અન્ય વેક્સિન કરતા કોવિશિલ્ડને સ્ટોર કરવી છે ખુબ જ સરળ 
• કોવિશિલ્ડને સામાન્ય તાપમાનમાં પણ સ્ટોર કરી શકાય છે
• કોવિશિલ્ડની કિંમત અન્ય વેક્સિન કરતા ઘણી ઓછી હશે
• એક ડોઝની કિંમત 500 રૂપિયાથી 1 હજાર રૂપિયા હોવાની સંભાવના
• સરકારને સીરમ ઈન્સ્ટીટ્યૂટ કોવિશિલ્ડ વેક્સિન 220થી 300 રૂપિયામાં આપશે
• દરેક વ્યક્તિને વેક્સિનના બે ડોઝની જરૂરિયાત પડશે
• બ્રિટને ઓક્સફર્ડ-એસ્ટ્રાઝેનેકાની આ રસીને મંજૂરી આપી દીધી છે
• 6ઠ્ઠી ડિસેમ્બરે સીરમ ઈન્સ્ટીટ્યુટે ઈમરજન્સી ઉપયોગ માટે સરકારને અરજી કરી હતી
• 1 જાન્યુઆરીએ એક્સપર્ટ કમિટી કોવિશીલ્ડ વેક્સિનને ઈમરજન્સી ઉપયોગ માટે મંજૂરી આપી હતી

કોવેક્સિન વિશે જાણો                    

• કોવેક્સિન ભારતમાં બની રહેલી કોરોનાની રસીનું નામ છે
• ભારતનું સૌથી મોટું પરિક્ષણ કોવેક્સિન માટે શરૂ થયું છે
• ભારત બાયોટેક નામની કંપની આ રસી બનાવી રહી છે
• કોવેક્સિનનું પહેલા અને બીજા તબક્કાનું સફળ પરિક્ષણ પૂર્ણ થઈ ચૂક્યું છે
• ત્રીજા તબક્કામાં રસીનું માનવ પરિક્ષણ શરૂ થયું છે
• ત્રીજા તબક્કામાં કુલ 26 હજાર વોલંટિયર્સ પર કોવેક્સિનનું પરિક્ષણ થવાનું છે
• 26 હજારમાંથી અમદાવાદમાં 1 હજાર લોકો પર કોવેક્સિનનું પરિક્ષણ થશે
• 26 હજાર લોકોને 28 દિવસમાં 2 વાર રસી આપવામાં આવશે
• કંપની અને સંશોધકોને એ જાણ નહી થાય કે રસી ક્યા સમૂહને અપાઈ છે
• સરકારના ICMR અને NIVના સહયોગથી ભારત બાયોટેક આ રસી બનાવી રહી છે
• ભારત બાયોટેકે કોવેક્સિન 60 ટકા અસરકારક હોવાનો દાવો કર્યો છે
• વોલંટિયરમાં 50 ટકાને કોવેક્સિન અને 50 ટકાને પ્લેસબો અપાશે
• એટલે કે પ્લેસબો ઓછા અસરવાળી રસી હશે અને કોવેક્સિન વધુ અસરવાળી રસી હશે
• બન્ને પ્રકારની રસી આપ્યા પછી દર્દીઓના પરિક્ષણને આધારે રસીની અસરકારકતા નક્કી થશે
• કોવેક્સિન બનાવવા માટે ભારત સરકાર સીધી રીતે ભાગીદાર છે
• અમદાવાદના સોલામાં 1 હજાર લોકો પર કોવેક્સિનનું પરિક્ષણ થવાનું છે
• ત્રીજા તબક્કામાં માનવ પરિક્ષણ સફળ રહે તો જલદીથી આ રસી આપણને મળશે
• રસી મળશે કે નહી તે આ ત્રીજા તબક્કાના પરિક્ષણના આધારે નક્કી થશે
• રસીના માનવ પરિક્ષણમાં ગુજરાત પણ ભાગીદાર થઈ રહ્યું છે
• 2 જાન્યુઆરીએ એક્સપર્ટ કમિટી કોવેક્સિનને મંજૂરી આપી હતી

વેક્સિનનું મહત્વ શું છે?

• વેક્સિન બનાવવાની પ્રક્રિયા ખુબ જ જટિલ હોય છે
• અનેક પ્રકારના ટ્રાયલમાંથી પસાર થયા બાદ વેક્સિન બજારમાં આવે છે
• સામાન્ય રીતે એક વેક્સિન બજારમાં આવતા એવરેજ 10 વર્ષ લાગી જાય છે
• દરેક ઉંમરના લોકો પર કરવામાં આવશે ખાસ ટ્રાયલ
• કોઈ રોગ કે બિમારી સામે લડવા માટે આપવામાં આવે છે વેક્સિન 
• વેક્સિનથી બિમારી સામે લડવા માટે શરીરમાં એન્ટીબોડી એક્ટિવ થાય છે
• એન્ટીબોડી શરીરમાં ડેવલોપ થયા બાદ કોઈ ચેપ લાગવાનો ભય ઘટી જાય છે
• કોરોના જેવી સૌથી વધારે સ્પ્રેડ થતી મહામારીને હરાવવા માટે વેક્સિન જ છે જરૂરી