લોકસભાની ચૂંટણીને લઈને ભાજપ દ્વારા ઉમેદવારો જાહેર કરવામાં આવ્યા છે. ભાજપે અમદાવાદ પશ્ચિમ બેઠક પર કિરીટ સોલંકીને ટિકિટ આપી છે. જોકે કિરીટ સોલંકીના કાર્યકરોમાં ઉત્સાહ જોવા મળ્યો નથી.
અમદાવાદ: લોકસભાની ચૂંટણીને લઈને ભાજપ દ્વારા ઉમેદવારો જાહેર કરવામાં આવ્યા છે. ભાજપે અમદાવાદ પશ્ચિમ બેઠક પર કિરીટ સોલંકીને ટિકિટ આપી છે. જોકે કિરીટ સોલંકીના કાર્યકરોમાં ઉત્સાહ જોવા મળ્યો નથી.
અમદાવાદમાં આવેલુ ભાજપનુ મધ્યસ્થ કાર્યાલય ખાલી ખમ જોવા મળ્યુ. કાર્યાલય પર કાર્યકરો જોવા મળ્યા ન હતા. ગરમીના કારણે કાર્યકરોમાં પણ ઉત્સાહ જોવા મળ્યો નથી. શહેરમાં ગરમી વધુ હોવાના કારણે કાર્યકરો દિવસમાં નહી પરંતુ સાંજે પ્રચાર કરવા માટે નિકળે છે.
ઉલ્લેખનીય છે કે, એક તરફ લોકસભાની ચૂંટણી આંગણે આવીને ઉભી છે અને રાજકીય પક્ષોએ પોતાના ઉમેદવારોના નામની જાહેરાત પણ કરી દીધી છે ત્યારે અમદાવાદ ખાતે આવેલ ભાજપનું મધ્યસ્થ કાર્યાલય ખાલીખમ જોવા મળતા સવાલોની વણઝાર ઉભી થઇ હતી.
ભાજપનું મધ્યસ્થ કાર્યાલય ખાલી રહેવા પાછળનું મહત્વનું કારણ ગરમી હોવાનું માલુમ પડ્યું છે. માર્ચ મહિનાની શરૂઆતથી આકરો તાપ ગુજરાતમાં પડી રહ્યો છે જેના કારણે લોકો બપોરે કામકાજ વગર ઘરની બહાર નીકળવાનું ટાળતા હોય છે આવા સમયે કાર્યકર્તાઓએ પણ પ્રચાર-પ્રસાર માટે સાંજનો સમય નક્કી કર્યો છે. જેને લઇને ભાજપનું કાર્યલય ખાલી જોવા મળ્યું હતું.