અંડરવર્લ્ડ ડોન દાઉદ ઈબ્રાહિમના ભાઈ ઈકબાલ કાસકરે એનસીબીની પૂછપરછમાં તેના ભાઈ દાઉદ વિશે ઘણા ચોંકાવનારા ખુલાસા કર્યાં છે.
દાઉદ ઈબ્રાહિમ અને ડી કંપની અંગે નવો ખુલાસો થયો
પાકિસ્તાનમાં તેના એપાર્ટમેન્ટમાં બેન્ડમિન્ટન રમ છે દાઉદ
તેના ભાઈ ઈકબાલ કાસકરે એનસીબી પૂછપરછમાં કર્યો ખુલાસો
દાઉદ ઈબ્રાહિમની તબિયતને લઈને અવારનવાર અફવા ઉડતી હોય છે. દાઉદ ગંભીર રીતે બીમાર હોવાનું પણ અવારનવાર ચર્ચાતું હોય છે પરંતુ હવે તેના ભાઈએ જ દાઉદ વિશે મોટો ખુલાસો કરીને તેની તબિયત અંગે ચાલતી અફવા પર પૂર્ણવિરામ મૂકી દીધું છે.
ડ્રગ્સ કેસમાં નાર્કોટિક્સ કન્ટ્રોલ ઓફ બ્યુરોની કસ્ટડીમાં રહેલા દાઉદના નાના ભાઈ ઈકબાલ કાસકરે જણાવ્યું કે દાઉદ પાકિસ્તાનના તેના એપાર્ટમેન્ટમાં મજા કરે છે તેની તબિયત સારી છે અને તે ફીટ રહેવા માટે દરરોજ બેડમિન્ટન રમે છે. તેણે કહ્યું કે દાઉદની ખરાબ તબિયતની જે પણ ખબરો ચાલી રહી છે તે ખોટી છે, દાઉદની તબિયત એકદમ સારી છે.
રોજ પોતાના ઘરમાં બેડમિન્ટન રમ છે દાઉદ- ઈકબાલ
ઈકબાલ કાસકરે જણાવ્યું કે દાઉદ પોતાની જાતને ફીટ રાખવા માટે દરરોજ પોતાના એપાર્ટમેન્ટમાં બેડમિન્ટન રમે છે. એનસીબીએ પૂછપરછમાં ડી કંપનીના ડ્રગ્સ રેકેટ પણ ઘણી માહિતી મેળવી છે. જુન મહિનામાં એનસીબીએ ઈકબાલ કાસકરની ધરપકડ કરી હતી.
ઈકબાલ કાસકર હાલમાં એનસીબીની કસ્ટડીમાં
દાઉદનો નાનો ભાઈ ઈકબાલ કાસકર ડ્રગ્સ કેસમાં હાલમાં એનસીબીની કસ્ટડીમાં છે. ડ્રગ્સની ઉપરાંત તેની પર બીજા અનેક કેસો ચાલી રહ્યાં છે.
કોણ છે ઈકબાલ કાસકર ?
- દાઉદ ઈબ્રાહિમનો ચોથા નંબરનો ભાઈ છે ઈકબાલ કાસકર
- 2003માં ઈકબાલ કાસકરને દુબઈથી લાવવામાં આવ્યો હતો
- ઈકબાલ પર સારા સહારા મામલે ચાલી રહ્યો હતો કેસ
- પુરાવાના અભાવે ઈકબાલ કાસકરને મુક્ત કરાયો હતો
- 1998માં ઈકબાલ હત્યાના આરોપમાં પણ બચી ગયો હતો
- ઈકબાલ કાસકર પર 2011માં થયો હતો જીવલેણ હુમલો
- ફાયશરગમાં ઈકબાલના ડ્રાઈવરનું થયું હતું મોત
- 2015માં પણ ઈકબાલ કાસકરની થઈ હતી ધરપકડ
- vએસ્ટેટ એજન્ટ પાસે માગી હતી 3 લાખની ખંડણી
- 2016માં કાસકરે એક બિલ્ડર પાસે માગી ખંડણી
- બિલ્ડરે થાણે પોલીસ સ્ટેશનમાં આપી હતી અરજી
- બિલ્ડર પાસે 4 ફ્લેટની માગી હતી ખંડણી
- એન્કાઉન્ટર સ્પેશિયલિસ્ટ પ્રદીપ શર્માએ કરી ધરપકડ
- ઈકબાલ કાસકર સાથે અન્ય 3 આરોપીની પણ ધરપકડ
-ઈકબાલ કાસકર પર મકોકા લગાવવાની તૈયારી