સ્વિત્ઝર્લેન્ડના દાવોસમાં WEFથી અલગ અમેરિકાના રાષ્ટ્રપતિ ડોનાલ્ડ ટ્રમ્પ અને પાકિસ્તાનના PM ઇમરાન ખાન વચ્ચે મુલાકાત થઈ હતી. આ મુલાકાત દરમિયાન ડોનાલ્ડ ટ્રમ્પે કાશ્મીર મુદ્દે મદદ માટે તૈયારી દર્શાવી હતી. ટ્રમ્પે કહ્યું કે, ભારત-પાકિસ્તાનની મદદ માટે અમેરિકા તૈયાર છે. આપને જણાવી દઈએ કે રાષ્ટ્રપતિ ટ્રમ્પ ગત વર્ષે ઓગસ્ટમાં પણ આવું નિવેદન આપી ચુક્યા છે. ત્યારે ટ્રમ્પે કહ્યું હતું કે જો ભારત ઈચ્છશે તો તે કાશ્મીર મામલામાં મધ્યસ્થતા કરવા તૈયાર છે.
દાવોસમાં ડોનાલ્ડ ટ્રમ્પ અને ઈમરાન ખાન વચ્ચે મુલાકાત
ઈમરાન ખાન સાથે મુલાકાત બાદ ટ્રમ્પનું નિવેદન
ભારત-પાકિસ્તાનની મદદ માટે અમેરિકા તૈયારઃ ટ્રમ્પ
US President Donald Trump during his meet with Pakistan PM Imran Khan in Davos:We're doing more trade as it turns&we're working together on some borders.We are talking about Kashmir in relation to what is going on with Pakistan&India.We've been watching that&following it closely. pic.twitter.com/acaUirCStW
WEFથી અલગ બંને નેતાઓ એટલે કે ડોનાલ્ડ ટ્રમ્પ અને ઈમરાન ખાનની બેઠક મળી હતી. તેમાં બંનેએ પરસ્પર હિત, ક્ષેત્રીય સુરક્ષા, કાશ્મીર અને અફઘાનિસ્તાન શાંતિ પ્રક્રિયા પર વાત કરી. બેઠકમાં ઈમરાન ખાને કહ્યું કે પાકિસ્તાન શરૂઆતથી પોતાના ક્ષેત્રમાં શાંતિ બનાવી રાખવાની કોશિશ કરી રહ્યું છે. ઈમરાન ખાને કહ્યું કે તે પોતાની મુખ્ય ભૂમિકા નિભાવવામાં તત્પર રહેશે.
બેઠકમાં ડોનાલ્ડ ટ્રમ્પે કહી આ વાત
બેઠકમાં રાષ્ટ્રપતિ ટ્રમ્પે કહ્યું કે ઈમરાન ખાન તેમના સારા મિત્ર છે. બંને નેતાઓની આ બેઠક પહેલાં જ ટ્રમ્પે જણાવ્યું હતું કે કાશ્મીર મુદ્દે અને અફઘાન શાંતિ પ્રક્રિયા પર વ્યાપક વાતચીત કરાશે. દાવોસના આ સંમેલનમાં અનેક દેશના રાષ્ટ્રિય અધ્યક્ષ આવ્યા હતા. અહીં ટ્રમ્પ અને ઈમરાનની મુલાકાત પણ સંમેલનથી અલગ યોજાઈ હતી.
ટ્રમ્પ પહેલાં પણ કહી ચૂક્યા છે આ વાત
આ પહેલો અવસર નથી જ્યારે રાષ્ટ્રપતિ ટ્રમ્પે કાશ્મીરને લઈને પોતાનો વિચાર રજૂ કર્યો છે. ગયા ઓગસ્ટમાં ટ્રમ્પે કહ્યું હતું કે ભારત ઈચ્છે તો તેઓ કાશ્મીર મુદ્દે મધ્યસ્થતા કરવા માટે તૈયાર છે. પછી તેઓએ કહ્યું કે ભારત અને પાકિસ્તાને દ્વિપક્ષીય વાતચીતથી આ મુદ્દો ઉકેલવો જોઈએ. તેની પર પણ ચર્ચા થઈ અને ભારતે વિરોધ કર્યો. ભારતે કહ્યું છે કે તે આ મુદ્દે અન્ય કોઈ દેશની દખલ પસંદ કરશે નહીં.
પાકિસ્તાન સતત કરી રહ્યું છે વિપરિત હરકતો
એક તરફ ભારત કાશ્મીરને આંતરિક મુદ્દા તરીકે વર્ણવે છે, તો બીજી તરફ પાકિસ્તાન તેને વિશ્વના વિવિધ મંચ પર ઉભા કરી રહ્યું છે. ગયા વર્ષે નવેમ્બરમાં વડા પ્રધાન ઇમરાન ખાને રાષ્ટ્રપતિ ટ્રમ્પ સાથે ફોન પર વાત કરી હતી અને કાશ્મીરના દુઃખને પોકાર્યું હતું. ઇમરાન ખાને ભારપૂર્વક જણાવ્યું હતું કે રાષ્ટ્રપતિ ટ્રમ્પે કાશ્મીર મુદ્દાના શાંતિપૂર્ણ નિરાકરણ માટે પોતાના પ્રયત્નો ચાલુ રાખવા જોઈએ. આ દરમિયાન તેમણે કાશ્મીર પર તેમની મધ્યસ્થીની ઓફરની પ્રશંસા કરી. આ સાથે જ ઇમરાન ખાને રાષ્ટ્રપતિ ટ્રમ્પને જમ્મુ-કાશ્મીરની વર્તમાન પરિસ્થિતિ વિશે માહિતી આપી હતી.