તાજેતરમાં ઓસ્ટ્રેલિયન ક્રિકેટર ડેવિડ વોર્નર એક પ્રેસ કોન્ફરન્સમાં ફૂટબોલર રોનાલ્ડો જેવુ કરવા ગયો હતો પરંતુ આ વખતે દાવ જરા અવળો પડ્યો હતો.
રોનાલ્ડોનાં પગલે ચાલવા ગયો વોર્નર
કોકો કોલાની બોટલ્સ હટાવી લીધી
પરંતુ પાછી મૂકવી પડી
પ્રખ્યાત ફૂટબોલર ક્રિસ્ટિયાનો રોનાલ્ડોએ એક જાહેર પ્રેસ કોન્ફરન્સ દરમિયાન કોકાકોલાની બોટલ ફેંકી દીધી હતી એ ઘટનાને હજુ ચાર મહિના જેટલો જ સમય વિત્યો હશે ત્યાં વધુ એક આવી ઘટના બની છે. આ વખતે ઘટના ક્રિકેટ જગત સાથે જોડાએલિ છે.
કોકા-કોલાને મોટું નુકસાન થયું હતું
ક્રિસ્ટિયાનો રોનાલ્ડોના એક પગલાથી કોકા-કોલાને મોટું નુકસાન થયું હતું. પોર્ટુગીઝ ફૂટબોલ સ્ટારે કોકા-કોલાની બોટલો કાઢી નાખી હતી- જે પ્રેસ કોન્ફરન્સના ટેબલ પર જાહેરાત માટે મૂકવામાં આવી હતી- અને દર્શકોને ઠંડા પીણાને બદલે પાણી પીવાનો સંકેત આપ્યો હતો. આ પગલાથી કોકા-કોલાને 4 બિલિયન યુએસ ડોલરની કથિત રકમ ગુમાવવી પડી.
રોનાલ્ડો જેવુ કરવાનો પ્રયાસ
રોનાલ્ડોના પગલે ચાલતા હવે ઓસ્ટ્રેલિયાના ઓપનર ડેવિડ વોર્નરે ગુરુવારે શ્રીલંકા સામેની તેની ટીમની જીત બાદ પ્રેસ કોન્ફરન્સમાં પણ આવું જ કરવાનો પ્રયાસ કર્યો હતો પરંતુ તેનો પ્રયાસ નિષ્ફળ ગયો હતો કારણ કે તેને ટેબલ પર બોટલો ફરીથી તેની જગ્યાએ મૂકવાની ફરજ પડી હતી. જ્યારે વોર્નર પ્રેસ કોન્ફરન્સમાં સેન્ટર ખુરશી પર બેઠો હતો, ત્યારે તેણે તેની સામે રાખેલી બે કોકા-કોલાની બોટલો ખેંચી અને તેને હાથ પર રાખીને ટેબલ નીચે સંતાડી દીધી હતી. તે તેને ટેબલની નીચે ગમે ત્યાં મૂકે તે પહેલાં, વોર્નરને બોટલો તેમની જગ્યાએ પાછી મૂકવાનું કહેવામાં આવ્યું.
"શું મારે તેને (પાછું) ત્યાં મૂકવી પડશે?" બોટલને તેમના સ્થાને પાછી મૂકવા માટે કહેવામાં આવ્યા પછી વોર્નરે પૂછ્યું હતું. જો કે, કોલ્ડ ડ્રિંકની બોટલો ટેબલ પર પાછી મુક્તા તેણે કહ્યું, "જો તે ક્રિસ્ટિયાનો માટે આ સારું છે, તો તે મારા માટે પણ સારું છે."
રોનાલ્ડોનોએ વર્ષે જૂનમાં આવું પગલું લીધા બાદ પછી પોગ્બાએ પણ આવું જ કર્યું હતું. માન્ચેસ્ટર યુનાઈટેડના સ્ટાર ફૂટબોલરે યુરો 2020ની શરૂઆતની મેચમાં જર્મની સામે ફ્રાન્સની 1-0થી જીત બાદ પ્રેસ કોન્ફરન્સ ટેબલ પરથી હેઈનકેનની એક બોટલ કાઢી નાખી હતી. જોકે, વોર્નરના કિસ્સામાં પરિણામો વિપરીત આવ્યા હતા.
સોશ્યલ મીડિયામાં લોકોએ વોર્નરનાં વખાણ પણ કર્યા હતા.