આઈપીએલની 34મીનો એક વિડીયો વાયરલ થયો જેમાં ડેવિડ વોર્નર ટોસ પછી ઝડપથી ભુવનેશ્વર કુમાર તરફ જઈ રહ્યો છે અને તેની નજીક પહોંચતા જ ભુવીના પગે પડી ગયો.
34મી મેચ સનરાઈઝર્સ હૈદરાબાદ અને દિલ્હી કેપિટલ્સ વચ્ચે રમાઈ હતી
ડેવિડ વોર્નર ભુવનેશ્વર કુમારને પગે લાગ્યો
વિડીયો થયો વાયરલ
આઈપીએલમાં કોઈ સમયે ભુવનેશ્વર કુમાર અને ડેવિડ વોર્નર એક જ ટીમ તરફથી રમ્યા હતા અનેતે ટીમ સનરાઈઝર્સ હૈદરાબાદ હતી.હવે ભુવી હૈદરાબાદ માટે જ રમે છે જ્યારે ડેવિડ વોર્નરની ટીમ બદલાઈ ગઈ છે. વોર્નર આઈપીએલ 2023માં દિલ્હી કેપિટલ્સ તરફથી રમી રહ્યો છે. આઈપીએલની 34મી મેચ હૈદરાબાદમાં સનરાઈઝર્સ હૈદરાબાદ અને દિલ્હી કેપિટલ્સ વચ્ચે રમાઈ હતી. આ મેચ પહેલા સોશિયલ મીડિયા પર એક વીડિયો વાયરલ થયો હતો જેમાં દિલ્હી કેપિટલ્સનો કેપ્ટન ડેવિડ વોર્નર ફાસ્ટ બોલર ભુવનેશ્વર કુમારના પગને સ્પર્શ કરતો જોવા મળ્યો હતો.
ભુવીના પગે પડી ગયો વોર્નર
જણાવી દઈએ કે આ વીડિયો ટોસ પછીનો છે. વીડિયોમાં સ્પષ્ટપણે જોઈ શકાય છે કે ડેવિડ વોર્નર ટોસ પછી ઝડપથી ભુવનેશ્વર કુમાર તરફ જઈ રહ્યો છે અને તેની નજીક પહોંચતા જ ભુવીના પગે પડી ગયો. આ પછી ભુવનેશ્વરે પણ જૂની મિત્રતા નિભાવતા વોર્નરને પકડી લીધો અને ગળે લગાવ્યો હતો. આ બધી ઘટના ઈશાંત શર્માની સામે થાય છે. આ જોઈને ઈશાંત પણ હસવાનું રોકી શક્યો નહતો. લોકોને આ વીડિયો જોઈને લોકોને શોલે ફિલ્મની જય અને વીરુની જોડી યાદ આવી ગઈ.
ભુવીએ 11 રન આપીને 2 વિકેટ લીધી હતી.
વોર્નર અને ભુવનેશ્વરના આ વીડિયોને ખૂબ પસંદ કરી રહ્યા છે અને અલગ-અલગ પ્રતિક્રિયાઓ આપી રહ્યા છે. મેચમાં ભુવીની વાત કરીએ તો તેણે શાનદાર બોલિંગ કરી હતી. તેની 4 ઓવરના સ્પેલમાં 11 રન આપીને 2 વિકેટ લીધી હતી. તે જ સમયે, ડેવિડ વોર્નરે 20 બોલમાં 21 રનની ઇનિંગ રમી હતી.
કઈંક આવી રહી મેચ
દિલ્હી કેપિટલ્સ તેના 144 રનના સ્કોરનો બચાવ કરવામાં સફળ રહી હતી. 145 રનના લક્ષ્યાંકનો પીછો કરવા ઉતરેલી હૈદરાબાદની ટીમ 6 વિકેટે 137 રન જ બનાવી શકી અને 7 રનથી મેચ હારી ગઈ. દિલ્હીએ આઈપીએલના ઈતિહાસમાં પોતાના સૌથી નાના સ્કોરનો બચાવ કર્યો છે. અગાઉ વર્ષ 2009માં તેણે રાજસ્થાન રોયલ્સ સામે 150ના સ્કોરનો સફળતાપૂર્વક બચાવ કર્યો હતો.