ક્રિકેટ / પિંક બોલ ટેસ્ટમાં વૉર્નરે એકલા હાથે ઠોક્યા એટલાં રન કે પાકિસ્તાનના હોશ ઉડી ગયા

• કુલ 37 ચોગ્ગા પણ ફટકાર્યા
• આ પહેલાં અઝહરે જ ડે-નાઈટ ટેસ્ટ મેચમાં સૌથી વધુ રન કર્યા હતા
• પિંક બોલમાં રમાતી ડે-નાઈટ ટેસ્ટ મેચમાં વોર્નરે ઇતિહાસ

ડેવિડ વોર્નરની સામે બધા પાકિસ્તાની બોલર હારતાં દેખાયા

ઑસ્ટ્રેલિયાના દિગ્ગજ બેટ્સમેન ડેવિડ વૉર્નરે ઍડીલેડમાં રમાઈ રહેલી મેચમાં ટ્રિપલ સેન્ચુરી ફટકારીને ઇતિહાસ રચી દીધો છે. ડેવિડ વોર્નરની સામે બધા પાકિસ્તાની બોલર હારતાં દેખાયા . પિંક બોલમાં રમાતી ડે-નાઈટ ટેસ્ટ મેચમાં વોર્નરે ઇતિહાસ રચી દીધો છે. વોર્નરે 389 બોલનો સામનો કર્યો અને પોતાની કરિયરમાં પહેલી વાર ટ્રીપલ સેન્ચુરી ફટકારી. 

Australia declare on 589/3

David Warner remains unbeaten on 335, the second highest individual score for an Australian in Tests 🔥 #AUSvPAK 👉 https://t.co/hynzrUEFTm pic.twitter.com/MFRxTtAeOE

— ICC (@ICC) November 30, 2019

પાકિસ્તાનના અઝહર અલીનો રેકોર્ડ તોડ્યો 

ડેવિડ વોર્નરે પિંક બોલ ટેસ્ટમાં એક ખાસ રેકોર્ડ પણ પોતાના નામે નોંધાવી લીધો જેમાં પાકિસ્તાનના અઝહર અલી જેમને 302 રન બનાવ્યા હતા તેમનો રેકોર્ડ પણ તોડ્યો છે. કારણ કે આ પહેલાં અઝહરે જ ડે-નાઈટ ટેસ્ટ મેચમાં સૌથી વધુ રન કર્યા હતા. હવે આ લિસ્ટમાં સૌથી ઉપર ડૅવિડ વૉર્નરનું નામ સામેલ  થઇ ગયું છે.  ડૅવિડ વોર્નર સાતમા ઓસ્ટ્રેલિયન ખેલાડી છે જેમણે ટ્રિપલ સેન્ચુરી મારી હોય. બાઉન્ડરીની સાથે જ તેમણે પોતાનું શતક પૂર્ણ કર્યું અને પોતાની આગવી શૈલીમાં તેને સેલિબ્રેટ પણ કર્યું . તેમણે કુલ 37 ચોગ્ગા પણ ફટકાર્યા. પાકિસ્તાન સામે આવું કરનારા તેઓ ચોથા બેટ્સમેન બની ગયા છે. 

નોંધનીય છે કે ઑસ્ટ્રેલિયાએ ટોસ જીતીને પહેલાં બેટિંગ કરવાનો નિર્ણય લીધો પરંતુ 8 રન પર જ તેમની પહેલી વિકેટ પડી ગયી. જે બાદ વૉર્નર અને લાબુષાને મળીને વિશાલ 361 રનની પાર્ટનરશીપ કરી. લાબુષાને 162 રન બનાવી આઉટ થઇ ગયા પણ વૉર્નર મેદાનમાં જ ટક્યા રહ્યાં