ડેવિડ વોર્નરની પત્ની કેન્ડિસ વોર્નરે તેના ટ્વીટર ઉપર એક વીડિઓ શેર કર્યો હતો. આ વીડિયોમાં દંપતીની પુત્રી બેટિંગ કરતી દેખાય છે. તે વીડિઓમાં એમ પણ બોલતી સંભળાય છે કે હું વિરાટ કોહલી છું.
વિરાટ કોહલી અને ડેવિડ વોર્નર વિશ્વના 2 સર્વશ્રેષ્ઠ ક્રિકેટના ખેલાડીઓ છે. વૉર્નર તેના બોલ ટૅમ્પરિંગ કેસના પ્રતિબંધથી મુક્ત થઇ ગયો છે અને તેની ઝંઝવાતુ ફોર્મ દેખાડી રહ્યો છે જયારે કોહલી પણ તેની સદીઓ અને રેકોર્ડ્સ ઝડપથી વધારી રહ્યો છે. જો કે આ બન્ને ખેલાડીઓના દેખાવ વચ્ચે એમ લાગી રહ્યું છે કે ડેવિડ વોર્નરની પુત્રી આઈવી મે (Ivy Mae) વિરાટ કોહલીને વધુ પસંદ કરે છે.
ડેવિડ વોર્નરની પત્ની કેન્ડિસ વોર્નરે મુકેલા એક વીડિયો મુજબ ડેવિડ વોર્નરની નાનકડી પુત્રી આઈવી મે બેટ લઈને ફટકાબાજી કરી રહી છે. તે બેટિંગ કરતા કરતા 2 વખત બોલે છે કે "આઈ એમ વિરાટ કોહલી!" અર્થાત હું વિરાટ કોહલી છું.
કેન્ડિસ વોર્નરે પણ આ વીડિઓના કેપ્શનમાં લખ્યું છે કે નાનકડી આઈવીએ ભારતમાં બધું પડતો સમય ગાળ્યો હોય તેમ લાગી રહ્યું છે. આથી જ તે વિરાટ કોહલી બનવા માંગે છે. આ કેપ્શનમાં તેણે કોહલીને ટૅગ પણ કર્યો છે.
IPLના બે સિતારા વિરાટ કોહલી અને ડેવિડ વોર્નર
વિરાટ કોહલીએ IPLમાં 177 મેચમાં 37.84ની સરેરાશથી 5412 રન ફટકાર્યા છે જેની સામે વોર્નરે ફક્ત 126 મેચમાં 43.17ની સરેરાશ સાથે 4706 રન નોંધાવ્યા છે જે IPLના ટોચના સૌથી વધુ રન કરનારમાં 4થા ક્રમે છે.
2018માં વોર્નર પર પ્રતિબંધ લાદવામાં આવતા વિશેષજ્ઞોએ તેના ભવિષ્ય ઉપર શંકા વ્યક્ત કરી હતી. જો કે તમામ ટીકાકારોને ચૂપ કરીને વોર્નરે 2019ની IPLમાં ધમાકેદાર કમબેક નોંધાવીને 12 મેચમાં 69.2ની તોતિંગ સરેરાશથી અને 143.86ના આક્રમકઃ સ્ટ્રાઈક રેટથી 692 રન ઝૂડી કાઢ્યા હતા.