રાજસ્થાનના દૌસા જિલ્લામાંથી હૈવાનિયતની હદ પાર કરનારી ઘટના સામે આવી છે.
રાજસ્થાનમાંથી એક શરમજનક ઘટના સામે આવી
3 બદમાશોની બે બાળકો પર હૈવાનિયત
બાળકો પાસેથી મોબાઈલ છીનવી નગ્ન કરી ગુપ્તાંગમાં સળિયો ઘુસેડી દીધો
રાજસ્થાનના દૌસા જિલ્લામાંથી હૈવાનિયતની હદ પાર કરનારી ઘટના સામે આવી છે. અહીં 3 શખ્સોએ બે બાળકો સાથે એવી ક્રૂરતા આચરી છે, જેનાથી માનવતા કંલકિત થઈ છે. આ શખ્સોએ બાળકોને પહેલા તો નગ્ન કર્યા અને તેમને ઉઠક બેઠક કરાવી હતી, ત્યાર બાદ આ કુમળા બાળકોના ગુપ્તાંગમાં સરિયા ઘુસેડી દીધા હતા. આ સમગ્ર મામલે ગત મોડી રાતે ફરિયાદ નોંધાઈ હતી. જે બાદ પોલીસે ત્રણ આરોપીની શોધ કરી રહી છે.
બાળકોના મોબાઈલ ઝૂંટવી લેવા આવ્યા હતા આ શખ્સ
હકીકતમાં જોઈએ તો, મહુઆ પોલીસ સ્ટેશન હદ વિસ્તારમાં આવતા ખોરી ગામમાં બે બાળકો શૌચ કરવા માટે ગયા હતા. આ દરમિયાન તેમના હાથમાં મોબાઈલ પણ હતા. તે જ સમયે ત્યાંથી બાઈક સવાર ત્રણ યુવકો પણ પસાર થયા અને મોટરસાયકલ રોકી બાળકો પાસેથી મોબાઈલ છીનવી લીધા. ત્યાર બાદ ત્રણેય યુવકોએ બાળકો સાથે મારપીટ કરી અને તેમના કપડા ફાડી નાખ્યા. એટલુ જ નહીં એક માસૂમ બાળકના ગુપ્તાંગમાં સળિયો પણ ઘુસેડી દીધો હતો. જેનાથી બાળક લોહીલુહાણ થઈ ગયો હતો. જ્યારે બંને બાળકોએ આ વાત ઘરે આવીને જણાવી તો, પરિવારના લોકોનો ગુસ્સો સાતમા આસમાને પહોંચી ગયો હતો. બાદમાં બાળકોને લઈને પરિવારના લોકો પોલીસ સ્ટેશને પહોંચ્યા હતા.
પોલીસે આરોપીઓની શોધખોળ શરૂ કરી
આ બાજૂ પોલીસે સગીર બાળકોના મેડીકલ કરાવ્યા છે. તો વળી જે બાળકોના ગુપ્તાંગમાં સળિયો ઘૂસ્યો હતો, તેની સારવાર કરાવામાં આવી રહી છે. સગીર બાળકના પરિવાર તરફથી ફરિયાદ દાખલ કરીને ત્રણેય આરોપીઓની શોધખોળ ચાલી રહી છે. આ ત્રણેય આરોપી ધનતુરી ગામના રહેવાસી છે. હાલ પોલીસ આ ત્રણેયને શોધી રહી છે.