કહેવાય છે ને કે, જાનાર ક્યારેય પાછા વળતા નથી. આવી જ એક ઘટના ભરૂચમાં બની હતી. દવાખાનાની પથારીમાં માતાના એકાએક મોત બાદ બાળકીએ તેને ઉઠાડવાના પ્રયાસ કર્યા હતા. જો કે, તેમ છતાં તે જાગી નહીં. આ દ્રશ્યો જોઇને હોસ્પિટલમાં હાજર તમામ લોકોની આંખમાં આંસુ જોવા મળ્યા હતા.
માતાનું હોસ્પિટલમાં મોત
બાળકીએ ઉઠાડવાના કર્યા પ્રયાસ
ઘટના જોઇને હોસ્પિટલનો સ્ટાફ પણ રડી પડ્યો
આ બનાવ અંગે પ્રાપ્ત થતી વિગત અનુસાર, ભરૂચ ખાતે આવેલ દાંડિયા બજાર વિસ્તારમાં એક મહિલા ભીખ માંગીને પોતાનું અને પોતાની માસૂમ બાળકીનું ગુજરાન ચલાવતી અને જ્યાં જગ્યા મળે ત્યાં માસુમ દીકરી રાત પસાર કરતી હતી. ત્યારે આ 3 વર્ષની બાળકીને મુકીને એકાએક તેની માતા દવાખાનામાં મૃત્યુ પામતા દીકરીએ તેને ઉઠાડવાના પ્રયાસ કર્યા હતા.
મહિલાના પરિવારે મૃતદેહને તરછોડ્યો
ઉલ્લેખનીય છે કે, મહિલાના મૃતદેહને પરિવાર તરછોડી દીધો હતો. મૃતક મહિલાના પતિનું 8 મહિના પહેલા મોત નિપજ્યું હતું. ત્યારે મહિલાનું પણ મોત નિપજતા પરિવારજનોએ અંતિમવિધિ કરવાની પણ દરકાર ન લીધી. જો કે સામાજિક કાર્યકરે મહિલાની અંતિમ વિધિ કરી અને મહિલા સાથે જે બાળકી હતી તેને જુવેનાઇલ હોમમાં મોકલવાની કામગીરી હાથ ધરી છે.
દવાખાનાની પથારી પડેલી મૃત માતાને તેની દીકરી વારંવાર જગાડવાના પ્રયાસ કરતી હતું પરંતુ તે ન ઉઠી કારણ કે તેનું મોત નિપજ્યું હતું. દીકરીના વારંવાર માતાને ઉઠાડવાના પ્રયાસ જોઇને હોસ્પિટલમાં હાજર તમામ લોકોની આંખમાં આંસુ આવી ગયા હતા.