ઓઢવમાંડૉક્ટર પર ફાયરિંગ કેસમાં મમ્મી સાથે ફટાકડા લેવા માટે જઈએ તેવું દીકરીએ કહેતાં ભાવુક બનેલાં પિતાએ ડો. મુકેશ પ્રજાપતિ પર ફાયિરંગ કર્યું હોવાનું સામે આવ્યું છે.ડૉક્ટર પર ફાયિરંગ કરનાર પિતાની ઓઢવ પોલીસે ધરપકડ કરી લીધી છે. દીકરીને દિવાળીમાં મમ્મીની યાદ આવતાં તેના શબ્દોથી પિતા ભાવુક બન્યાં હતાં અને ગુસ્સો આવતાં આ કૃત્યને અંજામ આપ્યો હતો.
એક વર્ષ પહેલાં તેણે ડૉક્ટર સામે પત્નીનાં મોત માટે બેદરકારીનો આક્ષેપ કર્યો હતો
દીકરીએ ફટાક્ડા લેવાં મમ્મી સાથે જવાની વાત કરતાં વિપુલને મનમાં લાગી આવ્યું હતું
આવેશમાં આવી વિપુલે ડૉક્ટર પર હુમલો કર્યો
ડિલિવરી માટે આરોપીએ ડૉક્ટરને 6.50 લાખ આપ્યાં હતાં
ઓઢવમાં વિપુલ વ્યાસે ડૉક્ટર પર ફાયરિંગ માત્ર બદલાં માટે કર્યું હોવાનું પોલીસ તપાસમાં સામે આવ્યું છે. આરોપી વિપુલની પત્ની એક વર્ષ પહેલાં ડૉક્ટરની કુંવરબા જનરલ હોસ્પિટલમાં ડિલિવરી દરમ્યાન દાખલ થઈ હતી. ડિલિવરી બાદ તે મૃત્યુ પામી હતી. જ્યારે 1 વર્ષનો દિકરો સલામત હતો. વિપુલે જે તે સમયે ૬.પ૦ લાખ રૂપિયા પણ હોસ્પિટલને ચૂકવ્યાં હતા. જો કે તે બચી શકી ન હતી.
પોલીસે ગણતરીનાં કલાકોમાં આરોપીને પકડી પાડ્યો
વિપુલે જે તે સમયે ડૉક્ટર પર પત્નીનાં મોતમાં બેદરકારીનો આરોપ લગાવ્યો હતો. એક વર્ષથી તે ડૉક્ટરનાં મોતનો વિચાર કર્યો હતો. 6 મહિનાં પહેલાં તેણે મધ્યપ્રદેશથી દેશી કટ્ટો ખરીદ્યો હતો. જોકે વિપુલની 3 વર્ષની પુત્રીએ દિવાળીમાં મમ્મી સાથે ફટાકડા લેવાં જઈએ તેમ જણાવતાં વિપુલને પોતાની પત્ની યાદ આવી ગઈ અને લાગી આવ્યું હતું. જેનાં કારણે તેણે ડોકટર ઉપર હુમલો કરવાનું વિચારી લીધું અને ફાયરિંગ કરી ફરાર થઈ ગયો હતો, પરંતુ ઓઢવ પોલીસ સ્ટેશનનાં પીઆઈ આર. જી જાડેજા અને તેમની ટીમે ગણતરીનાં કલાકોમાં આરોપી સુધી પહોંચી તેની ધરપકડ કરી લીધી છે.
આરોપી પાસેથી હથિયાર મળી આવ્યું
નાયબ પોલીસ કમિશનર ઝોન-પ રવિ તેજા વાસમશેટ્ટીનું કહેવું છે કે અમેડૉક્ટરની પૂછપરછ કરી ત્યારે જાણવા મળ્યું હતું કે એક વર્ષ પહેલાં હોસ્પિટલમાં એક માથાકૂટ થઈ હતી. જેથી અમે તપાસ કરતાં વિપુલ વ્યાસ આરોપી નીકળ્યો. ત્યારબાદ અમે ટીમો બનાવી તપાસ શરૂ કરી હતી. પોલીસે આરોપીની ધરપકડ કર્યા બાદ તેની પાસેથી હથિયાર અને કારતૂસ પણ કબજે કરી લીધું છે.