સુરતમાં દુષ્કર્મ અને હત્યાના કેસમાં આરોપીને ફાંસીની સજા ફટકારવામાં આવી છે. દીકરી પર દુષ્કર્મ કરી હત્યા કરનાર પિતા ટુકના બુધિયા દાસ ( રહે. પાંડેસરા અને મૂળ રહેવાસી ઓડિશા)ને સુરત સ્પેશિયલ પોક્સો કોર્ટે ફાંસીની સજા ફટકારી છે. પિતાએ સતત એક વર્ષથી દીકરી સાથે દુષ્કર્મ આચર્યું હતું. પિતાએ 12 વર્ષની દીકરી સાથે દુષ્કર્મ આચરી ગર્ભવતી બનાવી હતી. 30 જૂન 2017ના રોજ દીકરીનો મૃતદેહ ડુમ્મસ ખાતેથી મળી આવ્યો હતો.
સુરતમાં દીકરી પર દુષ્કર્મ ગુજારીને હત્યા કરનાર પિતાને ફાંસીની સજા
સુરત સ્પેશિયલ પોક્સો કોર્ટે આરોપીને ફટકારી ફાંસીની સજા
પિતાએ સતત એક વર્ષ દીકરી સાથે આચર્યું હતું દુષ્કર્મ
સુરતના ડુમ્મસ રોડ પર 12 વર્ષીય કિશોરીની હત્યા કરાયેલ મૃતદેહ મળી આવ્યો હતો. ત્યારબાદ પોલીસે તપાસ કરતાં મૃતક કિશોરીના આરોપી પિતાને ઝડપી લીધો હતો. પિતાએ જ પોતાની દીકરી પર સતત એક વર્ષ સુધી દુષ્કર્મ આચર્યું અને તેને ગર્ભવતી બનાવી દીધી હતી. દુષ્કર્મ આચરી દીકરીને ગર્ભવતી બનાવી દેતા 6 મહિનાનો ગર્ભ રહી ગયો હતો. ત્યારબાદ પાપ છુપાવવા માટે તેણે દીકરીની હત્યા કરી નાખી હતી.
સમગ્ર મામલે ખુલાસો થતા પોલીસે પોસ્કો અને દુષ્કર્મની ફરિયાદ કરી હતી. આ મામલે સેશન્સ કોર્ટના જજ પીએસ કાલાએ આરોપી પિતાને ફાંસીની સજા સંભળાવી હતી.
બીજી તરફ આરોપીએ પોલીસને પણ તપાસમાં સહકાર આપ્યો નહોતો. જેથી દુર્ઘટનાની તમામ બાબતોને ખૂબ ગંભીરતાથી લઈને કોર્ટે આ કેસને રેરેસ્ટ ઓફ ધ રેર કેસ ગણીને ફાંસીની સજાનો હુકમ કર્યો હતો.