હાલ લગ્નગાળો ચાલી રહ્યો છે. કમૂરતા બેસે તે પહેલા લોકો લગ્નસમારંભો આટોપી લેવાના મૂડમાં છે. ક્યાંક સમૂહલગ્નો યોજાઈ રહ્યા છે તો ક્યાંક સિંગલ લગ્ન યોજાઈ રહ્યા છે. બદલાતા સમયમાં લગ્નના આયોજનો વધારે ધામધૂમ ભર્યા અને એટલા જ ખર્ચાળ બની રહ્યા છે.
સંપન્ન તોય સાદાઈથી લગ્ન
નહીં પાર્ટી પ્લોટ, નહીં વરઘોડો
દીકરીના લગ્નમાં કરિયાવરમાં આપ્યા પુસ્તક
ત્યારે આવા સમયે સુરતમાં એક એવા લગ્ન યોજાઈ ગયા જે સમાજમાં નવી દિશા આપનારા બની ગયા. કોના હતા લગ્ન અને દીકરીને શું મળ્યું કરિયાવરમાં જોઈએ આ અહેવાલમાં
લગ્નપ્રસંગો ઝાકમઝોળ ભર્યા બન્યા
વર્તમાન સમયમાં લગ્નપ્રસંગો ઝાકમઝોળ ભર્યા બની રહ્યા છે. સગવડ હોય કે ન હોય તો પણ લોકો દેખાદેખીમાં ધામધૂમ પૂર્વક લગ્નસમારંભો યોજી રહ્યા છે. વરઘોડો હોય કે ફટાકડા ફોડવાની વાત, જમણવાર હોય કે રોશની અને મંડપ શણગારવાની વાત આજે લોકો લગ્ન પ્રસંગને પોતાના મોભાનું પ્રદર્શન કરવાનો મોકો સમજી રહ્યા છે.
સવજીભાઈ વેકરીયાએ પોતાના બન્ને સંતાનોના સાદાઈથી કર્યા લગ્ન
દેખાદેખીના આ માહોલમાં સુરતમાં એક એવા લગ્ન યોજાઈ ગયા જેણે સમાજને નવી રાહ ચીંધી છે. સુરતમાં સૌરાષ્ટ્ર પટેલ સમાજની વાડીમાં સૌરાષ્ટ્ર પટેલ સમાજના આગેવાન અને વિશ્વ ગુજરાતી સમાજના ઉપપ્રમુખ સવજીભાઈ વેકરીયાના દીકરા અને દીકરીનો લગ્ન પ્રસંગ યોજાઈ ગયો. સ્થાનિક પટેલ સમાજમાં અને વિશ્વ ગુજરાતી સમાજમાં મોભાનું સ્થાન ધરાવાતા અને સાધનસંપન્ન એવા સવજીભાઈ વેકરીયાએ પોતાના બન્ને સંતાનોના સાદાઈથી લગ્નયોજીને સમાજમાં ઉત્તમ દાખલો બેસાડયો છે. તેમણે બિલકુલ આર્યસમાજની વિધિથી લગ્નસમારંભ યોજીને સમાજને લગ્ના નામે ખોટાખર્ચા ન કરવાની પ્રેરણા આપી છે. માત્ર ઝાકમઝોળની દ્રષ્ટીએ જ સાદાઈ નહીં, પરંતુ દીકરીને કરિયાવરમાં સંસ્કારનું સિંચન કરતાં પુસ્તકો ભેટ આપીને તેમણે નવો રાહ ચિંધ્યો છે.
સંતાનોએ પોતાના પિતાના નિર્ણયને વધાવ્યો
એક સાધનસંપન્ન પિતાએ પોતાન સંતાનોના લગ્ન સાદાઈ પૂર્વક કરવાનો નિર્ણય લીધો જેને આધુનિક જમાનાના સંતાનોએ સ્વીકારી લીધો આ વાત સામાન્ય નથી. પરંતુ કહેવાય છે કે, મોરના ઈંડા ચીતરવા ન પડે. આ વાત સવજીભાઈના દીકરા અન દીકરીએ સાબિત કરી આપી. એક સાધનસંપન્ન પિતાના આ બન્ને સંતાનોએ પોતાના પિતાના નિર્ણયને વધાવી લીધો. તેમના લગ્ન આર્યસમાજના વિધિવિધાનથી યોજાયા.
દીકરી સુભદ્રાના યોજાયા લગ્ન
પાર્ટી પ્લોટની ઝાકમઝોળથી દૂર રહ્યા. વરઘોડાને તિલાંજલિ આપવામાં આવી. ફટાકડા નહીં ફોડીને પર્યાવરણનું રક્ષણ કરવામાં આવ્યું. આ બધું નહીં હોવા છતાં આ લગ્ન સમારંભ ઉચ્ચસંસ્કારની ગરિમાથી ગૌરવભેર શોભી ઊઠયો. સવજીભાઈ વેકરિયાએ પોતાની દીકરી સુભદ્રાના લગ્નમાં પોતાની દીકરીની ઊંચાઈ જેટલા પુસ્તકો ભરેલો એક કબાટ પણ ભેટ કર્યો. એક પિતાના આ નિર્ણયને કેવી રીતે વધારી રહ્યા છે તેમના સંતાનો સાંભળો તમે
પોતાના ઘરે જ આવેલ લગ્નની સાદાઇથી કરી ઉજવણી
સમાજમાં અને ખાસ કરીને સૌરાષ્ટ્ર પટેલ સમાજમાં દર વર્ષે 500 થી વધુ સમૂહ લગ્નનું આયોજન કરી સાદગીનો રાહ ચીંધનાર સવજીભાઈએ જ્યારે પોતાના ઘરે પ્રસંગ આવ્યો ત્યારે પણ સાદગીની એ જ ભાવના જાળવી રાખી. આ સાધન સંપન્ન વ્યક્તિએ પોતાના દીકરા દીકરીના લગ્ન ખૂબ સાદાઈથી કરીને સમાજને એક અનોખો સંદેશ આપ્યો છે જેને સૌ કોઈએ વધાવી લીધા છે.