વાહ / સાસુ હોય તો આવા, દિકરાનું મોત થતાં વિધવા વહુને દિકરી માફક ભણાવી અન્ય સાથે ધામધૂમથી પરણાવી

• સમાજની પરવાહ કર્યા વગર વહુની સક્ષમ બનાવી
• દિકરાનું મોત થતાં વહુના ધામધૂમથી લગ્ન કર્યા
• દિકરા કરતા પણ વધારે વહુને વ્હાલ કરતાં

સરકારી ટીચર કમલા દેવીએ જણાવ્યું હતું કે, તેમના નાના દિકરા શુભમના લગ્ન 2016માં 25 મેના રોજ સુનિતા સાથે થયા હતા. સુનિતા અને શુભમ એક કાર્યક્રમમાં એકબીજાને મળ્યા હતા. જે બાદ શુભમે ઘરે વાત કરી બાદમાં કમલા દેવીએ લગ્નની વાત કરવા માટે સુનિતાને ઘરે બોલાવી. લગ્ન બાદ શુભમ એમબીબીએસનો અભ્યાસ કરવા માટે કિર્ગીસ્તાન જતો રહ્યો. જ્યાં નવેમ્બર મહિનામાં બ્રેન સ્ટોકના કારણે તેનું મોત થઈ ગયું. 

દિકરાના મોત બાદ વહુને દિકરી માફક ઉછેરી

કમલા દેવીના મોટા દિકરા રજત બાંગડવાએ જણાવ્યું હતું કે, સુનિતા અને શુભમના લગ્ન સમયે સુનિતાના પરિવારની આર્થિક હાલત ખરાબ હતી. ખુલ્લા વિચારો હોવાના કારણએ જ્યાં તેમની માતા કમલા દેવીએ રૂઢિવાદી પ્રથાઓથી હટીને દહેજ વગર સુનિતાને પોતાના ઘરની વહુ બનાવી. ત્યાર બાદ દિકરાનું મોત થતાં સુનિતાને કમલા દેવીએ પોતાની પાસે જ રાખી. આવા સમયે સુનિતાને અહીં જ રહીને એમએ. બીએડ કરાવીને સ્પાર્ધાત્મક પરીક્ષાની તૈયારીઓ કરાવી, જે બાદ તેણે પરીક્ષા પાસ કરી. ગત વર્ષે સુનિતાની પસંદગી ઈતિહાસ વિષયના શિક્ષક તરીકે થઈ. હાલમાં તે ચુરૂ જિલ્લાના સરદારશહેર વિસ્તારની નૈણાસર સુમેરિયામાં ટીચર છે. રજત જણાવે છે કે, શુભમના મોત બાદ સુનિતાએ અમારા ઘરનું તો ધ્યાન રાખ્યું પણ સાથે જ તેણે નાના ભાઈને પણ ભણાવ્યો. સાથે પિયર અને માતા-પિતાનું પણ ધ્યાન રાખ્યું.  

નાના ભાઈના મોત બાદ વહુને સૌથી વધારે લાડ કરતા

શિક્ષિકા કમલા દેવી જણાવે છે કે, સુનિતાએ પહેલા તો પોતાના માતા-પિતાને ત્યાં જન્મ લઈને તેમનું ઘર ખુશીઓથી ભરી દીધું. ત્યાર બાદ લગ્ન બાદ મારા ઘરમાં દિકરાની માફક રહી અને હવે મુકેશ માવલિયા સાથે લગ્ન કર્યા બાદ તેમના ઘરને પણ ખુશીઓથી ભરી દીધું. રજત જણાવે છે શુભમના મોત બાદ માતાએ અમારા બધાં કરતા સુનિતાના વધારે પ્રેમ આપ્યો અને તેને લાડ કર્યા. બદલામાં સુનિતાએ માતાની દરેક માની. ત્યારે આવા સમયે દરેકની એવી ઈચ્છા હતી કે, સુનિતા હવે તેનું નવુ જીવન ફરીથી શરૂ કરે.

શિક્ષિકા બનાવી સારા ઘરમાં પરણાવી

કમલા દેવીના મોટા દિકરાએ જણાવ્યું હતું કે, સુનિતાનો પતિ હાલમાં ભોપાલમાં કૈગ ઓડિટરના પદ પર છે. જેના પ્રથમ લગ્ન પિપરાલી ગામમાં રહેનારી સુમન બગડિયા સાથે થયા હતા. જે રાજસ્થાન પોલીસમાં જયપુરમાં એએસઆઈના પદ પર હતી. જેનું રોડ અકસ્માતમાં મોત થયું હતું.