ચંદ્રગ્રહણને હવે માત્ર 15 દિવસ જ બાકી છે. આ પૂર્ણ ચંદ્રગ્રહણ હશે અને તેની અસર લોકોના જીવન પર પડશે. આ વર્ષનું પ્રથમ ચંદ્રગ્રહણ હશે.
આ તારીખે છે પહેલું ચંદ્ર ગ્રહણ
આ વર્ષે કુલ 4 ગ્રહણ
જાણો સુતકનો સમય
વર્ષનું પ્રથમ સૂર્યગ્રહણ લાગી ચુક્યું છે. 30 એપ્રિલે આ સૂર્યગ્રહણ બાદ હવે 16 મે 2022ના રોજ ચંદ્રગ્રહણ થવાનું છે. આ વર્ષે કુલ 4 ગ્રહણ છે જેમાંથી 2 સૂર્યગ્રહણ અને 2 ચંદ્રગ્રહણ છે. આમાંથી એક સૂર્યગ્રહણ થઈ ચુક્યું છે જે આંશિક સૂર્યગ્રહણ હતું. પરંતુ 16 મેના રોજ થનારું ચંદ્રગ્રહણ સંપૂર્ણ ચંદ્રગ્રહણ હશે. આ ચંદ્રગ્રહણની કેટલીક રાશિના લોકો પર ખાસ અસર પડશે.
ચંદ્રગ્રહણનો સુતક સમયગાળો
હાલમાં થયેલા સૂર્ય ગ્રહણનું સુતક અહીં લાગુ ન હતું પડ્યું કારણ કે ભારતમાં સૂર્યગ્રહણ ન હતુ દેખાયું. તેવી જ રીતે આવનારા પૂર્ણ ચંદ્રગ્રહણનો સુતક સમયગાળો પણ માન્ય રહેશે નહીં, કારણ કે તે ભારતમાં તે દેખાશે નહીં.
ચંદ્રગ્રહણનો સમય
ચંદ્રગ્રહણ 16 મેના રોજ સવારે 7 વાગે શરૂ થશે અને બપોરે 12 વાગ્યા સુધી ચાલશે. આ ગ્રહણ વૃષભ રાશિમાં થશે. પરંતુ તેની અસર તમામ રાશિઓ પર પડશે. આ ગ્રહણ પછી સ્નાન અને દાન અવશ્ય કરવું જોઈએ. જેથી ગ્રહણની નકારાત્મક અસરોથી બચી શકાય. આ ગ્રહણ દક્ષિણ-પશ્ચિમ યુરોપ, દક્ષિણ-પશ્ચિમ એશિયા, આફ્રિકા, ઉત્તર અમેરિકાના મોટાભાગના ભાગો, દક્ષિણ અમેરિકા, પેસિફિક મહાસાગર, હિંદ મહાસાગર, એટલાન્ટિક અને એન્ટાર્કટિકામાં દેખાશે.
બીજુ ચંદ્રગ્રહણ નવેમ્બરમાં થશે
આ વર્ષનું બીજું અને છેલ્લું ચંદ્રગ્રહણ 8 નવેમ્બર 2022ના રોજ થશે. આ ગ્રહણ સાંજે 05:28 થી 07:26 સુધી રહેશે. આ ગ્રહણ ભારતના કેટલાક ભાગોમાં દેખાશે. તમને જણાવી દઈએ કે હિંદુ ધર્મ અને જ્યોતિષશાસ્ત્રમાં ગ્રહણ દરમિયાન કેટલાક કામ કરવાની સખત મનાઈ છે. જેમાં ગ્રહણ દરમિયાન ખાવા-પીવા, મંદિરના દરવાજા ખુલ્લા રાખવા, ગર્ભવતી મહિલાઓને તીક્ષ્ણ વસ્તુઓનો ઉપયોગ કરવા પર પ્રતિબંધનો સમાવેશ થાય છે.