Coronavirus / આક્ષેપ : ચીને કોરોના વાયરસના પીડિતોની ગણતરી એવી બદલી કે સાચો આંકડો બહાર જ નહીં આવે

• કોરોના વાયરસને લઇને દુનિયાથી સત્ય છૂપાવી રહ્યું છે ચીન
• હુબેઇ પ્રાંતમાં ચેપના નવા કેસોમાં નાટકીય ઘટાડો
• નાટ્યાત્મક ઘટાડાનું કારણ ગણતરીની પદ્ધતિઓમાં ફેરફાર

ચીનનાં આંકડા પ્રમાણે ગુરૂવારે સંક્રમણના માત્ર 349 નવા કેસની પુષ્ટી થઈ છે. જ્યારે એક દિવસ પહેલા આંકડો 1700 હતો. તેનાથી ચીનના સત્તાવાર ડેટાને લઈ શંકાઓ વધી રહી છે. ચીન દ્વારા જાહેર કરાયેલા સત્તાવાર આંકડા પર શંકા છે. સત્યને છૂપાવવામાં આવી રહ્યું હોવાના સવાલો ઉભા થઈ રહ્યાં છે. 

કોરોના વાયરસના કારણે ચીનમાં અત્યાર સુધીમાં 2 હજારથી વધારે લોકોના મોત થઈ ચૂક્યા છે. તો 70 હજારથી વધારે લોકોને ચેપ લાગ્યો હોવાની ખાતરી થઈ ગઈ છે. પરંતુ ચીન તરફથી જાહેર કરાયેલા સત્તાવાર ડેટાને લઈને શંકા વધી રહી છે. બની શકે કે ચીન દુનિયાને એ બતાવવા માગે છે કે હાલ સ્થિતિ કાબૂમાં છે. ચીનમાં કોરોના વાયરસથી 2 હજારથી વધુ લોકોના મોત નિપજ્યાં છે.