તૈયારી / ચીનને માત આપવા આ તારીખે ભારતનું બ્રહ્માસ્ત્ર પહોંચશે ભારતભૂમિ પર, જાણો ક્યાં ગોઠવાશે અને શું છે તેની ખાસિયત

• 29 જુલાઈએ મળશે રાફેલ
• 5 રાફેલ વિમાન પહોંચશે અંબાલા
• લદ્દાખ સેક્ટરમાં ગોઠવવામાં આવે તેવી શક્યતા

ભારત અને ચીનની તણાવની સ્થિતિને ધ્યાનમાં રાખીને સૌથી મોટું બ્રહ્માસ્ત્ર હિંદુસ્તાનની જમીન પર પહોંચવાનું છે. તેના નામથી જ દુશ્મન દેશ હલવા લાગે છે. આ બ્રહ્માસ્ત્રનું નામ છે રાફેલ લડાકૂ વિમાન. જ્યારથી પાકિસ્તાન અને ચીનને તેના આવવાની ખબર પડી છે ત્યારથી બંનેને જાણે કે સાપ સૂંઘી ગયો છે. તીન તો અહીં સુધી કોશિશ કરી ચૂક્યું છે કે આ સમયે રાફેલ ભારત ન આવે. પણ એવું થઈ શક્યું નહીં. આખરે રાફેલ 29 જુલાઈએ ભારત આવી જ જશે. 

રાફેલનું નિશાન છે અચૂક

ભારતને હવાનું બ્રહ્માસ્ત્ર મળવા જઈ રહ્યું છે. ફ્રાંસના ઘાતક લડાકૂ વિમાન રાફેલનો પહેલો જથ્થો ભારત પહોંચી રહ્યો છે. મળતી માહિતી અનુસાર ચીનથી તણાવની સ્થિતિને ધ્યાનમાં રાખીને લદ્દાખ સેક્ટરમાં તેને રાખવામાં આવી શકે છે. પહેલાં 4 વિમાન આવવાના હતા પણ એરફોર્સની રિકવેસ્ટના આધારે ફ્રાંસે 5 રાફેલ વિમાન જુલાઈ સુધી આપવાનું જણાવ્યું હતું. લદ્દાખમાં ભારત દિવસ હોય કે રાત, શિયાળો હોય કે ચોમાસુ, દરેક સીઝનમાં હુમલો કરવાની ક્ષમતા ડેવલપ કરી રહ્યું છે. રાફેલ તેમાં સૌથી મોટું હથિયાર સાબિત થઈ શકે છે. 

ચીનના વિમાનોને ટક્કર આપશે આ રાફેલ

રાફેલ અને જે -20 બંને સીંગલ સીટર, ટ્વિન એન્જિન એરક્રાફ્ટ છે. જ્યાં ચીની J-20નો મેન રોલ સ્ટીલ્થ ફાઈટરનો છે ત્યારે રાફેલ અનેક કામમાં વાપરી શકાય છે. ચીન J-20નો ઉપયોગ દુશ્મન પર નજર રાખવા કરે છે. રાફેલને આ સિવાય સોર્ટીઝ અને એટેકમાં પણ સરળતાથી વાપરી શકાય છે. ભારતની જરૂરિયાતના આધારે તેને મોડિફાઈ કરાયું છે. 

ભારતનું બ્રહ્માસ્ત્ર પહોંચશે ભારતભૂમિ પર

• ફ્રાન્સથી 5 રાફેલ વિમાન 29 જુલાઈએ અંબાલા પહોંચશે.
• ફાઈનલ ઈન્ડક્શન સેરેમની 20મી ઓગસ્ટના રોજ યોજાશે.
• રાફેલ પ્લેન લદ્દાખ સેક્ટરમાં ગોઠવવામાં આવે તેવી શક્યતા.
• રાફેલ ફાઇટર જેટ કોઈપણ યુદ્ધમાં ગેમ ચેન્જર બનવાની ક્ષમતા ધરાવે છે.
• કોઈપણ ઋતુમાં હવામાંથી હવામાં માર કરવાની અદભૂત ક્ષમતા.
• તેમાં સ્કાલ્પ મિસાઈલ હશે જે હવામાંથી જમીન પર વાર કરવામાં સક્ષમ છે.
• રાફેલની મારક ક્ષમતા 3700 કિમી સુધી છે જ્યારે સ્કાલ્પની રેન્જ 300 કિમી છે.
• બંકરને સરળતાથી નષ્ટ કરી શકે છે.
• તેમાં કોલ્ડ એન્જિન સ્ટાર્ટ ક્ષમતા છે જેથી ઠંડીની કોઈ અસર થતી નથી.
• બરફના પહાડોની વચ્ચે પણ તે સરળતાથી ઉડાન ભરી શકે છે.