ગાઝિયાબાદ જિલ્લાની ડાસના જેલમાં 140 કેદીઓ HIV પોઝીટીવ મળી આવ્યા છે. સંક્રમણના સમાચાર સામે આવ્યા બાદ જેલ પ્રશાસન એલર્ટ મોડ પર આવી ગયું છે.
જેલમાં 140 કેદીઓ HIV પોઝીટીવ મળી આવ્યા
ગાઝિયાબાદ જિલ્લાની ડાસના જેલની ઘટના
જેલ પ્રશાસન એલર્ટ મોડ પર આવ્યું આવ્યું
ગાઝિયાબાદ જિલ્લાની ડાસના જેલમાં 140 કેદીઓ HIV પોઝીટીવ મળી આવ્યા છે. સંક્રમણના સમાચાર સામે આવ્યા બાદ જેલ પ્રશાસન એલર્ટ મોડ પર આવી ગયું છે. જેલના અધિકારીઓએ જણાવ્યું કે સરકારની સૂચના અનુસાર જેલમાં કેદીઓને રોકતા પહેલા તેમનો HIV ટેસ્ટ કરવામાં આવે છે.
જેલોમાં એચઆઈવી ટેસ્ટીંગ કેમ્પનું આયોજન
જિલ્લા જેલ અધિક્ષક આલોક કુમાર સિંહે જણાવ્યું કે, એમએમજી જિલ્લા સરકારી હોસ્પિટલમાં સ્થિત એન્ટિરેટ્રોવાયરલ થેરાપી સેન્ટરના ડૉક્ટરો ગાઝિયાબાદ જેલમાં કેદીઓની તપાસ કરી રહ્યા છે. તેમણે કહ્યું કે 2016માં સ્ટેટ એઈડ્સ કંટ્રોલ સોસાયટીએ જેલોમાં એચઆઈવી ટેસ્ટિંગ કેમ્પનું આયોજન કર્યું હતું અને તે સમયે ગાઝિયાબાદમાં 49 નવા એચઆઈવી દર્દીઓ મળી આવ્યા હતા. તે પછી, સરકારે ફરજિયાત બનાવ્યું કે સામાન્ય સ્વાસ્થ્ય સિવાય, દરેક કેદીનો એચઆઈવી અને ટીબી માટે પરીક્ષણ કરવામાં આવશે.
જેલ પહેલા કેદીઓને HIV ટેસ્ટ
દરેક શંકાસ્પદ કેદીની જેલમાં અટકાયત કરતા પહેલા કીટ દ્વારા પરીક્ષણ કરવામાં આવે છે અને જો કેદી એચઆઈવીથી પીડિત હોવાનું જણાય તો તેને જેલમાં સ્થિત ઈન્ટીગ્રેટેડ કાઉન્સેલિંગ એન્ડ ટ્રીટમેન્ટ સેન્ટરમાં સારવાર આપવામાં આવે છે.
જેલમાં 140 કેદીઓ એચઆઈવી
હાલમાં, ગાઝિયાબાદ જેલમાં 1706 કેદીઓની ક્ષમતા છે, જ્યારે અહીં 5,500 કેદીઓ કેદ છે. જેલ સુપ્રિટેન્ડેન્ટે જણાવ્યું હતું કે 5500 કેદીઓમાંથી 140 કેદીઓ HIV અને 35 કેદીઓ ટીબીથી પીડિત છે. 2016 થી, જેલમાં સરેરાશ 120 થી 150 HIV સંક્રમિત કેદીઓ રહે છે.