શુદ્ધિકરણ / અંબાજીમાં આવતીકાલે નદીઓના નીરની રેલમછેલ, થશે પ્રક્ષાલન વિધિ, દર્શન સમયમાં ફેરફાર

Last Updated: 05:03 PM, 19 September 2024

FOLLOW ON

શેર કરો

શ્રી આરાસુરી અંબાજી માતા દેવસ્થાન ટ્રસ્ટ દ્વારા યાત્રાધામ અંબાજીમાં આવતીકાલે માતાજીના દર્શને આવતા યાત્રિકો માટે અગત્યના સમાચાર અંગે માહિતી આપવામાં આવી હતી. જેમાં આવતીકાલ એટલે કે તારીખ 20 સપ્ટેમ્બરના રોજ બપોરે 1 વાગ્યા બાદ અંબાજી ખાતે દર્શન બંધ રાખવામાં આવ્યા છે.

યાત્રાધામ અંબાજી ખાતે આવતીકાલેમાં અંબાના નિજ મંદિરની પ્રક્ષાલન વિધિ કરવામાં આવશે. બપોરે 1 કલાક સુધીમાં અંબાના દર્શન થશે. જે બાદ એટલે કે બપોરે 1 વાગ્યા બાદ મંદિર બંધ કરવામાં આવશે. મહત્વનું છે કે ભાદરવી પૂનમના મેળા બાદ ચોથના દિવસે દર વર્ષે અંબાજી મંદિરમાં પ્રક્ષાલન વિધિ કરવામાં આવે છે. પ્રક્ષાલન વિધિમાં મંદિર સહિત માતાજીના સોના-ચાંદીના ઘરેણા અને ચાંચર ચોકની સાફ-સફાઇ કરવામાં આવે છે.

અંબાજી ખાતે યોજાશે પ્રક્ષાલન વિધિ

આ અંગે શ્રી આરાસુરી અંબાજી માતા દેવસ્થાન ટ્રસ્ટ દ્વારા જણાવવામાં આવ્યું છે કે યાત્રાધામ અંબાજી મંદિરની પ્રણાલિકા મુજબ તા.૨૦/૦૯/૨૦૨૪ ભાદરવા વદ-૩(ત્રીજ)ને શુક્રવારના રોજ માતાજીના નિજમંદિરમાં પ્રક્ષાલનવિધિ બપોરે ૦૧ : ૩૦ કલાકે શરૂ થશે, ભાદરવી પૂનમ મહા મેળો પૂર્ણ થયા પછી વર્ષમાં એકવાર દર વર્ષે થાય છે. તા.૨૧ થી આરતી તથા દર્શનનો સમય રાબેતા મુજબ રહેશે. જેમાં આરતી સવારે ૦૭:૩૦ થી ૦૮:૦૦, દર્શન સવારે ૦૮:૦૦ થી ૧૧ : ૩૦, રાજભોગ ૧૨ : ૦૦ કલાકે, દર્શન બપોરે ૧૨:૩૦ થી ૦૧:૦૦ અને માતાજીની સાંજની આરતીનો સમય આશરે રાત્રે ૦૯ : ૦૦ કલાકે રાખવામાં આવ્યો છે.