ખાતરકાંડ / ખેડૂતોની કમાણીમાં ખાતર પાડવાનાં કારસા, વિવાદમાં ભળ્યો રાજકીય રંગ

રાજ્યમાં મગફળીકાંડ અને તુવેરકાંડ બાદ હવે પ્રકાશમાં આવેલા ખાતર કૌભાંડનો વિવાદ શમવાનું નામ નથી લઈ રહ્યો. ખાતર કૌભાંડ રાજ્યમાં દરેક જિલ્લામાં હાલ વિવાદનું કારણ બન્યું છે. જૂનાગઢથી પ્રકાશમાં આવેલું આ કૌભાંડ ધીમે-ધીમે વડોદરા, રાજકોટ અને બનાસકાંઠામાં પણ બહાર આવ્યું. જૂનાગઢમાં ખાતરકાંડ મામલે રાજ્યભરમાં ખેડૂતોમાં રોષ જોવાં મળી રહ્યો છે. જેને લઈને આજે પાંચમા દિવસે પણ ખાતરનું વેચાણ બંધ છે.