સિધ્ધિ / ડાંગની સરિતા ગાયકવાડે 400 મીટર દોડમાં ફરી મેળવ્યો ગોલ્ડ મેડલ 

સરિતા ગાયકવાડની વધુ એક સિદ્ધીથી ડાંગમાં ખુશીની લહેર જોવા મળી છે. અગાઉ સરિતા ગાયકવાડે આંતરરાષ્ટ્રીય કક્ષાએ એશિયન એથ્લેટિકસ દોડની રમતમાં ભાગ લઇ દેશને પ્રથમ ગોલ્ડ મેડલ અપાવ્યો હતો. 

તો ત્રણ દિવસ અગાઉ સરિતાએ પોલેન્ડમાં યોજાયેલી યુરોપ એથ્લેટિકસ ચેમ્પિયનશિપની 400 મીટરની દોડ પણ માત્ર 54.21 સેકન્ડમાં પૂર્ણ કરી પ્રથમ ક્રમ મેળવી બીજી વખત દેશને સુવર્ણચંદ્રક અપાવી નામ રોશન કર્યુ હતું. ત્યારે આજે ફરી 400 મીટરની દોડને 52.77 સેકન્ડમાં પૂર્ણ કરીને બીજો મેડલ હાંસલ કરી યુરોપમાં ભારતનો ડંકો વગાડ્યો છે.