OMG / દુનિયા માટે આફતની ઘંટડી? આવતીકાલે મહાકાય એસ્ટેરોઈડ્સ સાથે ટકરાશે નાસાનું સ્પેસક્રાફ્ટ, લોકો ચિંતામાં

• નાસા આવતીકાલે ડીડીમોસ અને  ડાઈમોર્ફોસ પર હુમલો કરશે 
• તેનાથી  ભવિષ્યમાં પૃથ્વી તરફ આવતા ખતરનાક એસ્ટરોઇડને રોકવામાં આવી શકે
• કાલે નાસા (NASA) નું ડાર્ટ મિશન કેવી રીતે કામ કરશે, ચાલો જોઈએ 

તારીખ 27-09-2022 એટલે કે આવતીકાલે મંગળવારના દિવસે સવારે પાંચ વાગ્યાની આસપાસ નાસા (NASA) નું ડાર્ટ મિશન (DART Mission) થી ડીડીમોસ (Didymos) અને તેના ચંદ્ર જેવા પથ્થર ડાઈમોર્ફોસ (Dimorphos)  પર હુમલો કરવામાં આવશે. ડાર્ટ મિશન એટલે કે ડબલ એસ્ટરોઇડ રીડાયરેક્શન ટેસ્ટ (DART). આ મિશનનો હેતુ સ્પેસક્રાફ્ટ દ્વારા એસ્ટરોઇડને ટક્કર મારીને તેની દિશા બદલવાનો છે. જો નાસાનું આ મિશન સફળ રહ્યું તો ભવિષ્યમાં પૃથ્વી તરફ આવતા ખતરનાક એસ્ટરોઇડને રોકવામાં આવી શકે છે અથવા તેની દિશા બદલવામાં આવી શકે છે.  કાલે નાસા (NASA) નું ડાર્ટ મિશન કેવી રીતે કામ કરશે અને શું થશે એ વિશે અમે તમને જણાવવા જઈ રહ્યા છીએ. 

1 day til impact!🛰️🪨

After DART's final maneuver today, the navigation team will know the position of the target asteroid within 2 km. From there, DART will be on its own to autonomously guide itself to collision.#DARTMission will make impact Mon, Sep. 26, 2022 at 7:14pm EDT. pic.twitter.com/t4PDU3GGIq

— NASA's Launch Services Program (@NASA_LSP) September 25, 2022

- શું છે ડાર્ટ મિશન 
ડાર્ટ મિશન ડાઈમોર્ફોસ જઈને ડીડીમોસ એસ્ટરોઇડના ચંદ્ર ડિમોર્ફોસ સાથે ટકરાશે. ટક્કરને કારણે બંનેની દિશામાં ફેરફાર થશે. જો તેની દિશા બદલાશે તો મિશન સફળ રહેશે. આ સ્પેસક્રાફ્ટ લગભગ 24 હજાર કિલોમીટર પ્રતિ કલાકની ઝડપે એસ્ટરોઇડ સાથે ટકરાશે. 

- કઈ ટૅક્નિકનો થઈ રહ્યો છે ઉપયોગ ?
જણાવી દઈએ કે ટક્કરના ઠીક પહેલા એસ્ટરોઇડના ડીડીમોસના વાતાવરણ, માટી અને પથ્થરની જાંચ કરવામાં આવશે અને આ મિશનમાં કાઈનેટિક ઈમ્પેક્ટર ટેકનિકનો (Kinetic Impactor Technique) ઉપયોગ કરવામાં આવશે. 

- શું છે એસ્ટરોઇડ અને તેના ચંદ્રનો આકાર 
ડીડીમોસનો (Didymos) વ્યાસ કુલ 2600 ફૂટ છે અને ડાઈમોર્ફોસ તેની આસપાસ ચક્કર લગાવે છે. તેનો વ્યાસ 525 ફૂટ છે. 

Tomorrow, we’re putting the world’s first planetary defense test mission, #DARTMIssion, to the test by crashing it into a non-hazardous asteroid. Tune in to the live broadcast starting at 6 pm ET: https://t.co/oqJur69FsS pic.twitter.com/6FIXI28OSs

— Thomas Zurbuchen (@Dr_ThomasZ) September 25, 2022

- આ ઇવેન્ટ લાઇવ જોઈ શકો છો 
જો તમે આ ઈવેન્ટને લાઈવ જોવા ઈચ્છો છો તો 'NASA Television' પર ક્લિક કરવાનું રહેશે. અથવા તમે નાસાની મીડિયા ચેનલ પર ક્લિક કરીને ઇવેન્ટનું કવરેજ પણ જોઈ  શકો છો.

- નાસા જ કેમ કરી રહ્યું છે આ મિશન 
નાસા એ પૃથ્વીની આસપાસ 8000 થી વધુ નીઅર-અર્થ ઓબ્જેક્ટ્સ (NEO) રેકોર્ડ કર્યા છે અને તેમાંથી કેટલાકનો વ્યાસ 460 ફૂટથી વધુ છે. જો આમાંથી કોઈ પણ પૃથ્વી પર પડે છે તો અમેરિકાના કોઈપણ એક રાજ્યને સંપૂર્ણપણે નષ્ટ કરી શકે છે.  

Taking the scenic route. 📸

As our #DARTMission cruises towards its intentional impact with Dimorphos, an asteroid moonlet which poses no threat to Earth, the spacecraft’s imager has captured a picture of Jupiter and its four largest moons. Learn more: https://t.co/l34qt7Ql1f pic.twitter.com/6eWToVmZS8

— NASA (@NASA) September 20, 2022

-  આગામી 100 વર્ષ સુધી પૃથ્વી પર ટકરાશે નહીં
જો કે નાસાએ એક વાતની ખાતરી આપી છે કે પૃથ્વીની આસપાસ ફરતા 8000 પથ્થરોમાંથી એક પણ આગામી 100 વર્ષ સુધી પૃથ્વી પર ટકરાશે એવી સંભાવના નથી પણ અવકાશમાં કોઈ પણ વસ્તુ પર વિશ્વાસ કરવામાં આવી શકતો નથી. ગતિ, ટક્કર અને ગુરુત્વાકર્ષણ કે કોઈ પણ કારણે એસ્ટરોઇડની દિશા ગમે ત્યારે બદલાઈ શકે છે.