તપાસ કરાવો / 3 વર્ષ પહેલા જ ખબર પડી જશે હાર્ટ એટેકના ખતરા અંગે, વૈજ્ઞાનિકોએ શોધી કાઢ્યો રસ્તો

• અનિયમિત જીવનશૈલીના કારણે યુવાનો પર પણ હાર્ટની બિમારીનું જોખમ
• જો સમયસર દવાઓનું સેવન કરો તો હાર્ટની બિમારીથી આવી શકશો બહાર
• વૈજ્ઞાનિકોનો દાવો, લગભગ 3 વર્ષ પહેલા હાર્ટ એટેકની બિમારી વિશે જાણી શકશો

વૈજ્ઞાનિકોએ રિસર્ચમાં કર્યો મોટો ખુલાસો 

હવે વૈજ્ઞાનિકોએ એવી પદ્ધતિ શોધી કાઢી છે, જેના દ્વારા તમે લગભગ 3 વર્ષ પહેલા હાર્ટ એટેકના જોખમની જાણકારી મેળવી શકો છો. આ એક એવો શાનદાર ટેસ્ટ છે, જેનાથી હાર્ટની બિમારીઓથી થતુ મોતનુ જોખમ ઘણા હદ સુધી ઓછુ થઇ જશે. વૈજ્ઞાનિકોએ હાર્ટ એટેકના જૂના દર્દીઓને સી-રિએક્ટિવ પ્રોટીનનો ટેસ્ટ કર્યો. જેનાથી ઈન્ફરેમેશનની જાણકારી મેળવી શકાય છે. આ સાથે ટ્રોપોનિનનો પણ સ્ટાન્ડર્ડ ટેસ્ટ કરવામાં આવ્યો. ટ્રોપોનિન એ એક એવુ ખાસ પ્રોટીન છે, જે હાર્ટ ડેમેજ થવાથી લોહીમાંથી નિકળે છે. અભ્યાસ મુજબ, અઢી લાખ દર્દીઓમાં જેનુ સીઆરપી લેવલ વધારે હતુ અને ટ્રોપોનન ટેસ્ટમાં પોઝિટિવ આવ્યાં હતા. તેમાંથી 3 વર્ષમાં મોતનુ જોખમ લગભગ 35 ટકા હતુ. 

લાખો લોકોના બચી જશે જીવ 

વૈજ્ઞાનિકો મુજબ જો યોગ્ય સમયે મોનિટરિંગ કરવામાં આવે અને એન્ટી-ઈન્ફ્લેમેટરીજ દવાઓનું સેવન કરવામાં આવે તો લાખો લોકોને મોતથી બચાવી શકાય છે. ઈમ્પીરિયલ કોલેજ ઑફ લંડનના ડૉ. રમજી ખમીજે જણાવ્યું કે આ ટેસ્ટનું સંશોધન એવા સમયે થયુ છે, જ્યારે બીજા ટેસ્ટથી વધારે નબળા લોકોમાં તેના જોખમની ઓળખ કરાઈ રહી છે.