સન્માન / પેટા ચૂંટણી પહેલા ડાંગ એક્સપ્રેસ સરિતા ગાયકવાડની DYSP તરીકે નિમણૂંક

• સરિતા ગાયકવાડને રાજ્ય સરકારે પોલીસ વિભાગમાં નિમણૂક
• પ્રદીપસિંહ જાડેજાએ કર્યુ ટ્વીટ
• ડાંગ એક્સપ્રેસ સમગ્ર પંથકમાં છે જાણીતા 

ઉલ્લેખનીય છે કે, ડાંગ એક્સપ્રેસ સરિતા ગાયકવાડ સામાન્ય પરિવારમાંથી આવે છે. ભારતને ગોલ્ડ મેડલ અપાવવાની લાંબી સફર બાદ હવે ગુજરાતની કાયદો વ્યવસ્થાને મજબૂત બનાવવાની સફરમાં તેણી આગળ વધી રહ્યા છે. ત્યારે સરિતા ગાયકવાડને ગુજરાત પોલીસમા DYSP તરિકે નિમણૂંક કરવામાં આવી છે. 

બેટી બચાવો અભિયાન” માટેની બ્રાન્ડ એમ્બેસેડર

આપને જણાવી દઇએ કે, સરિતા ગાયકવાડ  ગુજરાત સરકારના “બેટી બચાવો અભિયાન” માટેની બ્રાન્ડ એમ્બેસેડર પણ છે. ડાંગ જીલ્લામાં 2012ના વર્ષમાં ખેલ મહાકૂંભમાં સરિતાએ એક સાથે પાંચ ઇવેન્ટમાં એન્ટ્રી લઇ પાંચેય ઇવેન્ટ જીતી હતી.

ગુજરાત નું નામ દેશ અને દુનિયામાં રોશન કરનાર ૧૮મી એશિયન ગેમ્સમાં મહિલાઓની 4 x 400 મી. રીલે દોડમાં ગોલ્ડ મેડલ વિજેતા એવી ગુજરાતની દીકરી શકિતવંદના સ્વરૂપા સુ.શ્રી.સરિતા ગાયકવાડને નવરાત્રીના દુર્ગાષ્ટમીના પાવન દિવસે નાયબ પોલીસ અધિક્ષક તરીકે ગુજરાત સરકાર દ્વારા નિમણુક બદલ અભિનંદન pic.twitter.com/PTgZOl9bwd

— Pradipsinh Jadeja (@PradipsinhGuj) October 24, 2020

પ્રદીપસિંહ જાડેજાએ કર્યુ ટ્વીટ

રાજ્યના ગૃહરાજ્ય મંત્રી પ્રદીપ સિંહ જાડેજાએ પોતાના ટ્વીટમાં લખ્યુ- 'ગુજરાત નું નામ દેશ અને દુનિયામાં રોશન કરનાર ૧૮મી એશિયન ગેમ્સમાં મહિલાઓની 4 x 400 મી. રીલે દોડમાં ગોલ્ડ મેડલ વિજેતા એવી  ગુજરાતની દીકરી શકિતવંદના સ્વરૂપા સુ.શ્રી.સરિતા ગાયકવાડને નવરાત્રીના દુર્ગાષ્ટમીના પાવન દિવસે નાયબ પોલીસ અધિક્ષક તરીકે ગુજરાત સરકાર દ્વારા નિમણુક બદલ અભિનંદન'.