ડાંગ જિલ્લામાં ભારે વરસાદે વિરામ લીધા બાદ નદીના પાણી ઓસરતા તારાજીના દ્રશ્યો સામે આવ્યા, પૂર્ણા નદીના પાણી ઓસરતા એક જ દિવસમાં 5 મૃતદેહ મળ્યા
ડાંગ જિલ્લામાં ભારે વરસાદથી ભયંકર તારાજી
પૂર્ણા નદીના પાણી ઓસરતા એક જ દિવસમાં 5 મૃતદેહ મળ્યા
આહવા તાલુકામાં 3 અને સુબિરમાં 2 મૃતદેહ મળ્યા
ડાંગ જિલ્લામાં આવેલા અતિભારે વરસાદ બાદ જાનમાલનું ભારે નુકસાન થયું છે. જિલ્લામાં કુદરતી હોનારતમાં 5 લોકોએ જીવ ગુમાવ્યા છે. પંથકમાં વરસાદને કારણે ગાંડીતૂર બનેલી નદીઓના પાણી ઓસર્યા બાદ 5 વ્યક્તિના મૃતદેહ મળી આવ્યા છે. આ તરફ હવામાન વિભાગે આજે પણ રાજ્યમાં વરસાદની આગાહી કરી છે.
કુદરતી હોનારતમાં 5 લોકોએ જીવ ગુમાવ્યા
ડાંગ જિલ્લામાં આવેલા ભારે વરસાદે તારાજી સર્જી છે. જેને લઈ જિલ્લાની નદીઓમાં વરસાદી પાણી આવ્યા હતા. જોકે હાલ વરસાદે આરામ લેતા ગાંડીતૂર બનેલી નદીઓના પાણી ઓસર્યા છે. જેને લઈ હવે કુદરતી હોનારતમાં જીવ ગુમાવનારા લોકોના મૃતદેહ મળી આવ્યા છે.
આહવા તાલુકામાં 3 અને સુબિરમાં 2 મૃતદેહ મળી આવ્યા
ડાંગ જિલ્લામાં નદીઓના પાણી ઓસર્યા બાદ હવે મૃતદેહ મળ્યા છે. વિગતો મુજબ ગાંડીતુર બનેલ નદીઓના પાણી ઓસરતા અત્યાર સુધી 5 મૃતદેહ મળ્યા છે. જેમાં આહવા તાલુકામાં 3 લોકોના મૃતદેહ મળી આવ્યા છે. આ સાથે સુબિરમાં પણ 2 મૃતદેહ મળી આવ્યા છે.
પૂર્ણાં નદીમાં પાણી ઓસરતા એકજ દિવસમાં 5 મૃતદેહો મળ્યા
ભારે વરસાદને કારણે પૂર્ણા નદીમાં પૂર આવ્યું હતું. જેને લઈ કાંઠા વિસ્તારના કેટલાય ગામો અસરગ્રસ્ત બન્યા હતા. આ તરફ હવે પૂર્ણાં નદીમાં પાણી ઓસરતા એકજ દિવસમાં 5 મૃતદેહો અલી આવ્યા છે. જે લોકોના નદી અને વરસાદી પાણીમાં તણાઇ જવાથી મોત થયું હોવાનું સામે આવ્યું છે.
આજે પણ વરસાદની આગાહી
હવામાન વિભાગની આગાહી અનુસાર આજે બનાસકાંઠા, સાબરકાંઠા, પાટણ, મહેસાણા, અરવલ્લી, ગાંધીનગર, મહીસાગર, ખેડા અને અમદાવાદમાં વરસાદ થવાની સંભાવના છે. સાથે જ દાહોદ, પંચમહાલ, આણંદ, વડોદરા, છોટાઉદેપુરમાં પણ વરસાદની આગાગી કરવામાં આવી છે. ઉપરાંત દક્ષિણ ગુજરાતના નર્મદા, ભરૂચ, સુરત, તાપી, નવસારી, ડાંગ અને વલસાડ વરસાદ થવાની સંભાવના છે. તથા સૌરાષ્ટ્ર-કચ્છના કેટલાક ભાગમાં પણ વરસાદ વરસી શકે છે.
24 કલાકમાં 170 તાલુકામાં વરસાદ
રાજ્યમાં છેલ્લા 24 કલાકમાં 170 તાલુકામાં વરસાદ થયો છે. જેમાં સૌથી વધુ મહેસાણાના જોટાણામાં 2 ઈંચ વરસાદ થયો છે. સાથે વ્યારા અને ભેસાણમાં 1.5 ઈંચ વરસાદ, જ્યારે નવસારી, આણંદ, રાજુલા, કપરાડા, ધરમપુર, નડિયાદ, જલાલપોર, સુરત, કામરેજ અને હિંમતનગરમાં 1-1 ઈંચ વરસાદ થયો છે. ઉપરાંત ડોલવણ, બાલાસિનોર, ખેરગામ અને સાયલામાં પોણો ઈંચ વરસાદ થયો છે.