સરહદ પર હિંસક અથડામણ થયા બાદ ભારત અને ચીન વચ્ચે તણાવ સતત વધી રહ્યો છે. 20 સૈનિકોની શહાદત અંગે ભારતના લોકોમાં ભારે રોષ છે. હવે ભારત ચીનને દરેક રીતે પાઠ ભણાવવા માટે તૈયાર છે. આર્થિક મોરચે ચીનને નુકસાન પહોંચાડવા માટે હુમલો શરૂ કરવામાં આવ્યો છે. ભારતે ટિકટોક સહિત દેશમાં ચીનની 59 એપ્સ પર પ્રતિબંધ મૂક્યો છે. ત્યારે ડાન્સિંગ ક્વીન સપના ચૌધરીનું નિવેદન આવ્યું છે.
સપના ચૌધરીએ આપ્યુ નિવેદન
ભારત સરકારના નિર્ણયના કર્યા વખાણ
ટીકટોક બૅન પર મોટુ નિવેદન
લોકો સરકારના આ નિર્ણયને આવકારી રહ્યા છે. આ દરમિયાન ડાન્સિંગ ક્વીન સપના ચૌધરીએ પણ સરકારના નિર્ણયના વખાણ કર્યા છે. સપના પોતે પણ ટીટકોકનો ઉપયોગ કરતી હતી અને તેના લાખો ફોલોઅર્સ હતા. તેમણે પોતાના નિવેદનમાં કહ્યું છે કે દેશ કરતા મોટુ કંઇ નથી.
સપનાએ એક વીડિયો પોસ્ટ કરતાં કહ્યું કે, 'સરકારે ટિકટોક સહિત 59 એપ્સ પર પ્રતિબંધ મૂક્યો છે. હું સરકારના આ નિર્ણયની સંપૂર્ણ પ્રશંસા કરું છું. અને આ ખૂબ જ સારો નિર્ણય છે. હું તે લોકોને સમજાવવા માંગુ છું કે જેઓ આ નિર્ણયનો વિરોધ કરી રહ્યા છે.
સપના આગળ કહે છે, 'આપણે ચીનની ઍપનો ઉપયોગ કરીએ છીએ, તેથી તેમને ફંડ મળે જાય છે, પૈસા કમાય છે અને તેઓ આપણા પર આપણા જ કમાયેલા નાણાંનો દુરૂપયોગ કરે છે, તો આ ખોટી વસ્તુ છે, તમારે સરકારને ટેકો આપવો જોઈએ.
તમને જણાવી દઈએ કે, ટિકટોકનો ઉપયોગ કરનારા ઘણા યુઝર્સ સરકારના આ નિર્ણયનો વિરોધ કરી રહ્યા છે. જો કે આવા લોકોની સંખ્યા ખૂબ ઓછી છે. એવા સમાચાર પણ છે કે ટૂંક સમયમાં ટિકટોક જેવી એપ્સ ભારતમાં જ લોન્ચ થઈ શકે છે.