VIDEO / સરપંચની દીકરીના લગ્નમાં ડાન્સર ડાન્સ કરતા રોકાઈ તો મારી દીધી જાહેરમાં ગોળી, જુઓ વીડિયો

સ્ટેજ ઉપર બે મહિલાઓ ડાન્સ કરતી હતી અને જયારે તેમણે ડાન્સ કરવાનું બંધ કર્યું ત્યારે ભીડમાંથી એક અજ્ઞાત શખ્સે મહિલાને ડાન્સ કરતી રોકાઈ ગઈ હોવાથી ગોળી ધરબી દીધી અને મહિલા સ્ટેજ પર જ ફસડાઈ પડી. મહિલાએ સાઉન્ડ સિસ્ટમમાં સમસ્યા હોવાથી ડાન્સ કરવાનું બંધ કર્યું હતું એમ જાણવા મળ્યું હતું. આ ઘટનાનો વીડિઓ સોશિયલ મીડિયા ઉપર વાઇરલ થઇ ગયો છે. 

A women dancer was shot at during revelry at wedding function in UP's Chitrakoot. Such functions colloquially known as "Arkestra" (from Orchestra) in East UP, Bihar accompanied by celebratory firings. Though the shameful trend is on decline but not out.pic.twitter.com/un2NVnCwJm

— Piyush Rai (@Benarasiyaa) December 6, 2019

શું છે ઘટના?

સોશિયલ મીડિયા પરનો વીડિઓ આશરે 1 મિનિટનો છે જેમાં ડાન્સરે ડાન્સ કરવાનું બંધ કરતા ભીડમાંથી એક અવાજ સંભળાય છે કે ગોળી ચલ જાયેગી અને આ નિવેદનના સમર્થનમાં બીજી એક વ્યક્તિ કહે છે સુધીરભૈયા આપ ગોળી ચલા હી દો.

આ સાથે જ એક ગોળી ડાન્સરના જમણા જડબાને અથડાઇને ચીરી નાખે છે. ડાન્સર ફસડાઈ પડે છે.

પીડિતાને હાલ લખનૌની હોસ્પિટલમાં દાખલ કરવામાં આવી છે જ્યાં તેની હાલત ગંભીર છે એમ જાણવા મળ્યું છે. 

શું છે પોલીસની પ્રતિક્રિયા 

પોલીસ અધિક્ષક અંકિત મિત્તલના જણાવ્યા અનુસાર ફાયરિંગમાં આરોપી ફૂલ સિંહ અને ટીકરા ગામના સરપંચ સુધીરસિંહની આ મામલે ધરપકડ કરવામાં આવી છે. ફૂલ સિંહ સુધીરસિંહના સગા છે. તેમને કૌશાંબી જિલ્લાના મેઘવાઘાટ વિસ્તારથી પકડી લેવામાં આવ્યા છે. 

અહેવાલ મુજબ ફાયરિંગમાં વરના મામા મિથિલેશ અને અખિલેશ પણ મંચ ઉપર હાજર હતા અને છરો વાગવાથી બંને ઘાયલ થયા છે. 

ક્યારે બંધ થશે આવી ઘટનાઓ?

આવી ઘટનાઓ પાછળનું મુખ્ય કારણ સ્ત્રીને એક માણસ તરીકે નહીં પણ એક વસ્તુ, સામાન કે જણસ તરીકે જોવાથી ઉદ્ભવ થાય છે. એક ડાન્સર એક સ્ત્રી છે, એક મનુષ્ય છે એમ ભૂલીને આ ગોળી મારનાર નરાધમે તેને ડાન્સ કરીને લોકોને ખુશ કરનાર માત્ર ધારી લીધી.

આપણી પોતાની બહેન કે દીકરી જ્યાં ત્યાં કામ કરવા જતી હોય ત્યાં કોઈ રાક્ષસ તેનું જડબું ચિરાઈ જાય અને તેનો ચહેરો હંમેશ માટે કુરૂપ થઇ જાય અને તેને અતિશય પીડા થાય તેમ ગોળી ધરબી દે તેવું આપણે વિચારી પણ નથી શકતા પણ આવા લોકો આ સ્ત્રી પણ કોઈકની બહેન કે માતા છે એમ ભૂલીને આવી ક્રૂર ઘટનાને અંજામ આપે છે એ બાબત આપણા સમાજ માટે નિંદનીય છે અને આપણે મનુષ્ય તરીકે કેટલા નીચા ઉતરી ગયા છે એ બાબતની ટાપશી પુરાવે છે.   

આલેખન : શાલીન ખત્રી, અમદાવાદ