હાલ સપના ચૌધરી ફરી એક વખત ચર્ચાનો વિષય બની છે. હરિયાણવી ડાન્સર સપના ચૌધરીએ આજે કોર્ટમાં સરેન્ડર કર્યું હતું.
હરિયાણવી ડાન્સર સપના ચૌધરીએ આજે કોર્ટમાં સરેન્ડર કર્યું
કોર્ટે ડાન્સર સપના ચૌધરીને કસ્ટડીમાં લીધી
આ કેસની આવનારી સુનાવણી 30 સપ્ટેમ્બરના રોજ થશે
સપના ચૌધરી એક એવું નામ છે જે સાંભળીએ એટલે બેકગ્રાઉન્ડમાં હરયાણવી ગીત ચાલુ થઇ જાય અને શાનદાર ઠુમકા પણ દેખાવા લાગે. હરિયાણવી ડાન્સર્સની જ્યારે પણ વાત આવે છે સપના ચૌધરીનું (Sapna Choudhary)નામ સૌથી ઉપર આવે છે. તેણે પોતાનું આ નામ ખૂબ જ મહેનત કરીને બનાવ્યું છે અને ઘણી વખત તો તેને લાઈવ શોમાં મુશ્કેલીઓનો સામનો પણ કરવો પડ્યો છે. હાલ સપના ચૌધરી ફરી એક વખત ચર્ચાનો વિષય બની છે. હરિયાણવી ડાન્સર સપના ચૌધરીએ આજે કોર્ટમાં સરેન્ડર કર્યું છે.
સપના ચૌધરીને કસ્ટડીમાં લીધી
એસીજેએમ કોર્ટે સરેન્ડર કર્યા પછી સપના ચૌધરીને કસ્ટડીમાં લીધી હતી. જણાવી દઈએ કે સપના ચૌધરી વિરુદ્ધ જામીનપાત્ર વોરંટ જારી કરવામાં આવ્યું હતું, જેના કારણે તેને કોર્ટમાં હાજર થવું પડ્યું હતું. પણ થયું એવું કે ગયા મહિનાની 6ઠ્ઠી તારીખે કોર્ટમાં હાજર થતા પહેલા જજ શાંતનુ ત્યાગી ઈમરજન્સી રજા પર ચાલ્યા ગયા હતા. હવે એ જ NBW ના રિકોલ પર સપના ચૌધરીએ આજે એસીજેએમ શાંતનુ ત્યાગીની કોર્ટમાં પંહોચીને સરેન્ડર કર્યું હતું અને એ પછી કોર્ટે ડાન્સર સપના ચૌધરીને કસ્ટડીમાં લીધી હતી.
વોરંટ પાછું ખેંચી લેવામાં આવ્યું
જો કે એ પછી એવા સમાચાર આવ્યા હતા કે સપના ચૌધરીનું વોરંટ પાછું ખેંચી લેવામાં આવ્યું છે અને એમને કોર્ટે કસ્ટડીમાંથી મુક્ત કરી દેવામાં આવી છે. પણ જણાવી દઈએ કે કોર્ટે સપના ચૌધરીનું વોરંટ એ શરતે પાછું ખેંચ્યું છે કે તે કોર્ટમાં હાજર રહીને પૂરતો સહકાર આપશે. હવે આ કેસની આવનારી સુનાવણી 30 સપ્ટેમ્બરના રોજ થશે.
વર્ષ 2018નો છે કિસ્સો
તમને જણાવી દઈએ કે આ કિસ્સો વર્ષ 2018 ના ઓકટોબર મહિનાનો છે. એ સમયે સપના ચૌધરીના એક શો માટે 300 રૂપિયા પ્રતી ટિકિટના પૈસા વસૂલવામાં આવ્યા હતા અને એ પછી શોમાં સપના ચૌધરી અને બીજા કોઈ કલાકારો હાજર રહ્યા નહતા. રાત્રે 10 વાગ્યા સુધી લોકોએ સપના ચૌધરીની રાહ જોઈ હતી પણ સપના ચૌધરી શોમાં આવી નહતી. એ પછી લોકોએ ગુસ્સામાં આવીને સપના ચૌધરી સામે કેસ ફાઇલ કર્યો હતો.