કોરોનાના ઓમિક્રોન વેરિએન્ટને કારણે એક તરફ ફરીથી દરેક જગ્યાએ પ્રતિબંધ લગાવવામાં આવ્યો છે તો બીજી તરફ રવિવારે એટલાન્ટિસ ઈવેન્ટ્સ નામના ટૂર ઑપરેટર સમલૈંગિકો માટે ક્રૂઝ શિપ પર મોટો કાર્યક્રમ લોન્ચ કરવા જઈ રહ્યાં છે.
એક તરફ સમગ્ર વિશ્વમાં કોરોના ઓમિક્રોન વેરિએન્ટનો હાહાકાર
એટલાન્ટિસ ઈવેન્ટ્સ નામના ટૂર ઑપરેટર સમલૈંગિકો માટે યોજશે કાર્યક્રમ
રવિવારે ક્રૂઝ શિપ પર મોટો કાર્યક્રમ કરશે લોન્ચ
ખરેખર, આ કંપનીની 30મી વર્ષગાંઠના નિમિત્તે આ કાર્યક્રમ આયોજીત કરાઈ રહ્યો છે. ફ્લોરિડાના મિયામીમાં એક અઠવાડિયા સુધી ચાલતા આ કાર્યક્રમમાં લગભગ 5500 લોકો સામેલ થશે.
કોરોનાના કેસમાં અત્યારે અમેરિકા સૌથી પીક પર
ઉલ્લેખનીય છે કે, કોરોનાના કેસમાં અત્યારે અમેરિકા સૌથી પીક પર છે અને અહીં લોકોને ક્રૂઝ જહાજો પર યાત્રાથી બચવા માટે એક કડક ચેતવણી જાહેર કરવામાં આવી છે. પરંતુ તેમ છતાં લોકો બેદરકારી દાખવી રહ્યાં છે. એટલાન્ટિસ ઈવેન્ટ્સનો દાવો છે કે જે લોકોએ વેક્સિનેશન કરાવ્યું છે, તે હવે સુરક્ષિત છે.
સમલૈંગિક ક્રૂઝ પ્રોગ્રામ માટે ઘણા લોકોએ ફી ચૂકવી દીધી
મીડિયા રિપોર્ટ મુજબ, રોયલ કેરેબિયનના ઓએસિસ ઑફ ધ સીઝમાં ચાલતા આ સમલૈંગિક ક્રૂઝ પ્રોગ્રામ માટે ઘણા લોકોએ ફી ચૂકવી દીધી છે. જેમાંથી જર્મનીમાં રહેતા ગ્રાફિક ડિઝાઈનર આંદ્રે મેયર પણ છે. તેમણે કહ્યું, આ આપણા જીવનને ફરીથી શરૂ કરવાનો સમય છે. અમે વેક્સિનેશન પણ કરાવ્યું છે. તેથી અમે આ કાર્યક્રમમાં જોડાઈ શકીએ છીએ. મેં આ કાર્યક્રમ માટે 2 લાખ 97 હજાર રૂપિયાથી વધુની ચૂકવણી શરૂ કરી છે અને બે વર્ષ બાદ અમારા સમુદાય માટે આ પાર્ટી થવા જઇ રહી છે. તેમાં હું ફરજીયાત આવીશ.
ઉલ્લેખનીય છે કે, તાજેતરમાં એવા ઘણા મામલા સામે આવ્યાં હતા. જેમાં ઘણા ક્રૂઝ પ્રવાસીઓને કોરોના વાયરસે પોતાની ઝપેટમાં લઇ લીધા હતા. આ ક્રૂઝ પાર્ટી માટે કેટલાંક લોકો પોતાનો પ્લાન બદલવાનુ વિચારી રહ્યાં છે, પરંતુ તેઓ આ કરી શકતા નથી. કારણકે કંપનીની પૉલિસી મુજબ, તેમને રિફંડ લેવા માટે 60 દિવસ પહેલા ટિકિટ કેન્સલ કરવાની જરૂર હતી. જો હવે તેઓ ટિકિટ કેન્સલ કરે છે તો તેને ટિકિટનું રિફંડ નહીં મળે અને પ્રવાસીઓને લાખો રૂપિયાનું નુકસાન થશે.