તમારા કામનું / Video: તમારા ખેતરમાં વીજળી પડશે કે નહીં, એક ક્લિકની મદદથી જાણો

વીજળી પડવાથી ઘરની ઈલેક્ટ્રિક વસ્તુઓ ખરાબ થઈ જાય છે, ઘણીવાર તો આખાને આખા મકાન ધરાશાયી થઈ જાય છે. સેકન્ડ્સમાં થતી વીજળી ખતરનાક તો છે પણ સવાલ એ થાય કે આનાથી બચી કેવી રીતે શકાય? તો જાણી લો કે વીજળી પડવાની આગાહી થઈ શકે છે એટલે કે પહેલા જ ખબર પડી જશે કે વીજળી પડવાની છે, તો તમે સેફ રહી શકો. આ તમને મોબાઈલમાં જ ખબર પડી જશે કે તમારા વિસ્તારમાં ક્યારે વીજળી ક્યારે પડશે, આ બધી જ ભવિષ્યવાણી કરતી એપનું નામ છે દામિની એપ..

આ એપ્લિકેશન 7 મિનિટ, 14 મિનિટ અને 21 મિનિટમાં વીજળી પડવાની સંભાવના જણાવે છે અને દામિની એપ લગભગ 40 કિલોમીટર સુધીના વિસ્તારની માહિતી આપે છે. આવી સ્થિતિમાં લોકોના મનમાં એક સવાલ થશે કે આ એપ વીજળી વિશે કેવી રીતે માહિતી આપે છે, તો આ એપ દ્વારા હવામાન વિભાગ કલર કોડિંગ એલર્ટ સિસ્ટમ, ઈસરો સેટેલાઈટ ઇન્સ્ટોલેશન અને રડાર સેન્સર દ્વારા વીજળી પડવાની સંભાવના વિશે પણ જણાવે છે.

આ એપ ગુજરતી હિન્દી અને અંગ્રેજી સહિત ઘણી ભાષાઓમાં ઉલબ્ધ છે અને તેમાં તમારા લોકેશન મુજબ તમારા વિસ્તારમાં વીજળી પડશે કે નહીં તેના વિશે માહિતી આપે છે. આ સાથે જ તમે તેમાં તમારા વિસ્તાર કે તમારા મિત્ર કે પરિવાર જે જગ્યા પર રહે છે એ જગ્યાનો પિનકોડ નાખીને રજીસ્ટર પણ કરી શકો છો, જે બાદ જો તે જગ્યાએ વીજળી પડવાની સંભાવના હોય તો આ એપ્લિકેશન તરત જ યુઝર્સને જાણ કરે છે.

વધુ વાંચો: ગરીબોને ઉગારતી જડીબુટ્ટી છે મોદી સરકારની આ 7 યોજના, ઘર, આરોગ્યથી લઈ લોન સુધીના લાભનો સમાવેશ

આ સાથે જ વીજળી પડે એ સમયે તમે બહાર હોય ત્યારે શું કરવું અને શું ન કરવું, જો તમારી આસપાસ કોઈ વ્યક્તિ પર વીજળી પડે ત્યારે શું કરવું અને વીજળી પડાવની વોર્નિંગ મળે ત્યારે શું એ બધા વિષેની માહિતી આ એપ્લિકેશનમાં આપવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ